جنوبی ڈاکوٹاپائپ لائن منصوبہ مقامی آبادی کے حقوق سلب کرے گا: اقوام متحدہ
مذکورہ پائپ لائن ڈاکوٹا ریاست میں واقع ریڈ انڈیئنز کے علاقوں سے گزرے گی جس پر اقوام متحدہ کے مقامی آبادی کے حقوق کی نگراں وکٹوریا ٹولی کورپوز نے صدر ٹرمپ کی پالیسیوں کو تنقید کا نشانہ بنایا ہے
امریکی ریاست جنوبی ڈاکوٹا میں بچھائی جانے والی پٹرول پائپ لائن کے ایک منصوبے کو اقوام متحدہ نے بھی تنقید کا نشانہ بنایا ہے ۔
معلوم ہوا ہے کہ یہ پائپ لائن ڈاکوٹا ریاست میں واقع ریڈ انڈیئنز کے علاقوں سے گزرے گی جس پر اقوام متحدہ کے مقامی آبادی کے حقوق کی نگراں وکٹوریا ٹولی کورپوز نے صدر ٹرمپ کی پالیسیوں کو تنقید کا نشانہ بنایا ہے ۔
کورپوز نے کہا کہ صدر ٹرمپ نے اس منصوبے کو امریکہ کی مقامی آبادی سے مشاورت کے بغیر شروع کرنے کا عندیہ دیا ہے جو کہ غلط ہے اور ریڈ انڈیئنز کے رہن سہن اور سماجی آزادی سلب کرنے کی کوشش ہے جبکہ یہ منصوبہ ماحولیاتی لحاظ سے بھی منفی اثرات مرتب کرے گا۔
دوسری جانب ڈاکوٹا کے ایک ریڈ انڈئین قبیلے Standing rock کے رکن لاڈونہ ٹاما کاوا واسٹ ون آلارڈ نے تمام قبائل سے مطالبہ کیا ہے کہ وہ اپنے حقوق کا تحفظ کریں جس کی ضمانت اقوام متحدہ نے بھی دے رکھی ہے ۔
متعللقہ خبریں
پیرو میں بس حادثے میں 11 افراد لقمہ اجل
پاسکو علاقے سے روانہ ہونے والی مسافر بس ہوانوکو شہر میں مخالف سمت سے آنے والے ٹرک سے ٹکرا گئی