د تورکېې د جغرافیې راجستر شوي توکي

پدې خپرونه کې تاسې ته د تورکیې د قونیې ولایت د مشهورو خوړو په اړه لنډ معلومات درکوو.

د قونیې تاریخي ولایت چې د  تورکیې د مرکزي اناتولیا په سیمه کې موقعیت لري د خواړو کلتور له پلوه یو ډیر بډایه ولایت دی.

دې ولایت د خوړو بډایه  کلتور بنسټ د کوچیانو ژوند څخه میشته ژوند ته د لیږد نښې لري. په پخلي کې د تنور کارول په اناتولیا کې یو له دودیزو دودونو څخه دی.

د ویلو ده چې د قونیې ښار د ډیرو زیات خوړو سره مشهور دی خو د قونیې  د تنور بوریک  ،  بولاني پیرکي ځانګړی شهرت لري.د ویلو ده چې د قونیې د تنور پیرکي په ۲۰۲۳ میلادي کال کې د قونیې ولایت د ښاروالۍ په غوښتنه د تورکیې د جغرافیایی پلوه راجسټر شوي محصولاتو په لست کې شامل شول .

د ویلو ده چې د قونیې د تنور بوریک یا پیرکي  د غنمو اوړو ، اوبو ، مالګې او تازه خمیرې نه پخیږي چې په منځ کې  ډول ډول توکي لکه پنیر، کوفته، سابه او ډول ډول نور شیان کارول کیږي.

همداشان د قونیې د تنور بوریک یا پیرکي په منځ کې په معمول ډول  په سیمه کې د تولیدونکو پنیرونو او سبو نه استفاده کیږي.

د ویلو ده چې قونیې ولایت بوریک یا پیرکي د افغانستان د تنور د پیرکیو سره هیڅډول کوم توپیر نلري.

یواځې توپیر يي دادی ، کله چې د قونیې پیرکي د پخیدو او د تنور نه د راوویستل شي سمدلاسه يي پر مخ زیړ غوړي وهل کیږي او یا يي د سر پوټکی لرې کیږي او په منځ کې کوچ یا زیړ غوړي اچول کیږي.

د ویلو ده چې د قونیې تنور بوریک یا پیرکیو لپاره وړه لکه د تنور ډوډۍ  په څیر اخکدل کیږي.

وروسته بیا وړه خمیره کیږي او بیا وروسته هواریږي او په منځ کې د خپل خوښې وړ سابه، کوفته، کچالو او داسې نور اچول کیږي او بیا په تنور کې پخیږي.

د قونیې د تنور بوریک یا پیرکي ددې ولایت تر ټولو مشهور خواړه دي چې د ډیری خلکو ډیر خوښیږي. په هر کور کې خامخا پخیږي.