ټي آر ټي راډيو


په تركيه كې راډيويي خپرونې د ۱۹۲۷ ميلادي كال د مى د مياشتې په شپږمه نېټه تقريبا د اروپايي هېوادونو سره يو ځاى پيل شوي دي. د ۱۹۶۴ ميلادي كال د مى د مياشتې په لومړۍ نېټه د ټي آر ټي د خپرنيزې موسسې د تاسيس نه وروسته په هېواد كې راډيويي خپرونو هم د پام وړ پراختيا وموندله.

  اوسمهال د ټي آر ټي د خپرنيزې موسسې راډيوګانې د دولتي خپرنيز سياست په چوكاټ كې په بېطرفه توګه خپلو خپرونو ته دوام وركوي. دا راډيوګانې د تركي ژبې د اساساتو سره سم، خبري، معلوماتي، كلتوري، سپورټي، تفريحي،  ښوونيزې او د موسيقۍ خپرونې لري چې په ټول هېواد كې ځانګړي اوريدونكي لري.

د ټي آر ټي راډيو ګانې په هېواد كې دننه او د هېواد نه بهر په نړيواله سطحه بيلابيلې خپرونې لري چې په هېواد كې دننه د  Radyo-1, Radyo-2 (TRT FM), Radyo-3, Radyo-4  سراسري راډيويي كانالونه، د انتاليا، ايرزروم، ادانا، ترابزون او ديابكر په ولايتونو كې پينځه سيمه ايز راډيويي كانالونه، د تركېې د كلاسيكې موسيقۍ د مينه والو لپاره TRT Nağme، د تركېې د سيمه ايزې موسيقۍ د مينه والو لپاره TRT Türkü، د ټي آر ټي راډيويي خبري كانال، په اروپا كې د تركي هېوادوالو لپاره Avrupa FM  او په ۳۲ ژبو باندې د تركېې غږ راډيو نړيوال كانالونه په خپرونو بوخت دي چې اوسمهال په نړۍ د ګوتو په شمېر هېوادونو په كتار كې شامل دي.

 

Radyo-1

د ټي آر ټي راډيو- ۱ كانال د ښوونې، كلتور او خبر په برخه كې ۲۴ ساعته خپرونې لري، د هغو كسانو لپاره چې ښوونې او معلوماتو د لاسته راوړنې هيله لري خپرونې وړاندي كوي. دا كانال د هېواد په ګوډ ګوډ كې د سټريو ليږونكو آنتنونو په درلودلو سره په اسانۍ سره د اويدلو وړ دى. همداراز د انټرنېټ او سپوږمكۍ له لارې په ټوله نړۍ كې هم اوريدل كيږي. د راډيو- ۱ كانال د ژوند د هرې برخې په اړه ځانګړې او په زړه پورې خپرونې لري.  دا راډيو د ۱۹۲۷ ميلادي كال راهيسې تر ننه پورې د خلكو په خدمت كې ده.

 

Radyo-2 (TRT FM)

د ټي آر ټي – ۲ راډيويي كانال چې په هېواد كې د اېف اېم څپو له لارې خپرونې لري، د ټي آر ټي د كيفيت په نظر كې نيولو سره د ۲۴ ساعتونو لپاره ژوندۍ خپرونې او تفريحي پروګرامونه لري.  ټي آر ټي اېف اېم هم د هېواد په ۹۹،۹ سلنې خاوره كې  او د انټرنېټ او سپوږمكۍ له لارې د نړۍ په هر ګوډ كې د هر چا له خوا د اوريدولو وړ ده. د ټي آر ټي اېف اېم كاركوونكي تل ستاسې همراز او د لارې ملګري دي.

 

Radyo-3

د ټي آر ټي د راډيويي كانالونو دريم كانال د نړۍ د ګوډ ګوډ نه د موسيقۍ د په زړه پورې پارچو په وړاندې كولو سره تل د مينه والو په خدمت كې ده. د ايلوېس پريسلي نه نيولې تر جان بايز پورې او د فرانك سيناترا نه نيولې د موزارت د كلاسيكو پارچو پورې د موسيقۍ د تاريخ تر ټولو په زړه پورې هنري اثار مينه والو ته وړاندې كوي. دريم كانال د ټي آر ټي د عالي كيفيت سره د ۲۴ ساعتونو لپاره د سټريو د آنتنونو په واسطه په هېواد كې دننه او د سپوږمكۍ او انټرنېټ له لارې د هېواد نه بهر د موسيقۍ د مينه والو په خدمت كې ده.

 

Radyo-4

د هېواد د عنعنوي كلاسيكې  او سيمه ايزې موسيقۍ د باغ ګلونه د همدې راډيويي كانال له لارې مينه والو ته وړاندې كيږي. د سازونو نغمې، غزلونه، سيمه ايزې ترانې او د اناتوليا د موسيقۍ د ځانګړو آلاتو آوازونه ددې كانال له لارې د اوريدولو وړ دي. د هېواد د موسيقۍ د تلپاتو استادانو اثار د همدې كانال له لارې خپريږي. ۲۴ ساعته خپرونې لري او د هېواد په هر ګوډ كې اوريدل كيږي. همداراز د انټرنېټ او سپوږمكۍ له لارې بيا په ټوله نړۍ كې هم د اوريدولو وړ دى.

 

TRT Türkü

د تركېې د سيمه ايزې موسيقۍ كانال د ۲۰۰۹ كال د جولاى د مياشتې په لومړۍ نېټه په خپرونو پيل وكړ. دا كانال د اېف اېم د څپو، انټرنېټ او سپوږمكۍ له لارې د تركېې د سيمه ايزې موسيقۍ د مينه والو لپاره خپرونې لري.  دا كانال د تركېې د سيمه ايزې  موسيقۍ د مينه والو د زياتولو او كلتوري پراختيا په موخه ۲۴ خپرونې لري. د كانال موخه د سلګونو كلونو راهيسي د اناتوليا د اوسيدونكو د ټولنيز كلتور پياوړتيا ده.

 

TRT Nağme

ټي آر ټي -  نغمه  د تركېې د كلاسيكې موسيقۍ كانال دى. دا كانال د تركېې د كلاسيكې موسيقۍ په برخه كې د هېواد د تكړه هنرمندانو اثار د ۲۴ ساعتونو لپاره د سټريو آنتنونو له لارې د هېواد په هر ګوډ كې د او د انټرنېټ او سپوږمكۍ له لارې په نړۍ كې اړوندو مينه والو ته وړاندې كوي.

 

TRT Radyo Haber   

د ټي آر ټي دا راډيويي كانال د ۲۴ ساعتونو لپاره په ژوندۍ بڼه خپرونې لري چې پدې لړ كې په سيمه او نړۍ كې د روانو چارو په اړه تازه خبرونه او سياسي شننې وړاندې كوي. د ټي آر ټي خبري راډيويي كانال همداراز د ټي آر ټي – ۱ او ټي آر ټي – ترك ټلويزيوني كانالونو سره جوښت خپرونې لري. دا راډيويي كانال د هېواد په هرګوډ كې د اېف اېم د آنتن له لارې او په ټوله نړۍ كې د انټرنېټ او سپوږمكۍ له لارې د  اوريدلو وړ دى.

 

Türkiye'nin Sesi Radyosu

د تركېې غږ راډيو چې پخوا د انقرې د راډيو په نامه هم يادېده د ۷۰ كلونو راهيسي د نړۍ په ګوډ ګوډ كې تركي هېوادوالو او نورو مينه والو ته ټولنيز، كلتوري، تفريحي او هنري خپرونې خپروي. د تركېې غږ راډيو د هېواد نه بهر د ميشتو هېوادوالو د ستونزو د آواري او د جلا وطنۍ د احساس د لمنځه وړلو په موخه د لنډو څپو له لارې ۲۴ ساعته خپرونې لري. تاسې كولاى شئ چې د تركېې غږ راډيود نړۍ په هر ګوډ كې واورئ.

 

Radyo-6

دا راډيويي كانال په هېواد كې د ملي يووالي د پياوړتيا او ملي روحېې د خپرولو په موخه په كردي ژبه باندې خپرونې لري.  شپږم راډيويي كانال چې د ۲۰۰۹ كال د مى د مياشتې په لومړۍ نېټه ېې په خپرونو پيل كړى دى د سوېل ختيځې او ختيځې اناتوليا سيمو  كې ميشتو هېوادوالو ته  كلتوري، ټولنيزې او تفريحې خپرونې خپروي. دا راډيويي كانال د سيمې د خلكو او د دولت ترمينځ اړيكې ځواكمنوي او همداراز په نړيواله ټولنه كې د تركېې اعتبار لا زيات پياوړى كوي.

 

TRT AVRUPA FM

دا راډيويي كانال د تركېې يو بل غږ دى چې د اېف اېم څپو له لارې اروپا ته رسيږي. ددې راډويويي كانال له لارې په اروپا كې د ميشتو تركي هېوادوالو سره خواله كول او د نوموړو ستونزو ته د حل لارې موندل ډيره اسانه دي. د اروپا لپاره د ټي آر ټي اېف اېم كانال د ځوانانو لپاره هم ځانګړي تفريحي او د موسيقۍ خپرونې لري. د اروپا لپاره د ټي آر ټي اېف اېم كانال هره ورځ د ګرينويچ په وخت د سهار د نهو بجو نه د مازديګر تر شپږو بجو پورې په اروپا كې د اېف اېم څپو له لارې او په ټوله نړۍ كې د انټرنېټ او يا هم سپوږمكۍ له لارې  ژوندۍ خپرونې لري. كه چېرې غواړئ چې خپله خوښ كړې سندره واورئ او يا هم خپل دوست ته ېې ډالئ كړئ، كه چېرې غواړئ چې د ورځنيو موضوعاتو په اړه خپل نظرونه او وړانديزو نه د نورو خلكو سره شريك كړئ نو د اروپا لپاره د ټي آر ټي اېف اېم كانال مه هيروئ.

http://www.trt.net.tr/Radyo/RadyoAnasayfa.aspx