ټي آر ټي ټلوېزيون


پداسې هېواد كې په سلګونو كې سراسري او سيمه ايز ټلويزيوني كانالونه  په پراخه پيمانه خپرونې لري، ټي آر ټي په هېواد او نړۍ كې د بېطرفانه او كره خپرونو په درلودلو سره ځانګړى ځاى لري. ټي آر ټي د ښوونيزو، كلتوري، مستندو فلمونو، ډرامو، سپورټ، موسيقۍ او تفريحي كانالونو سره د هېواد په سلو كې ۹۹ خاوره تر پوښښ لاندې لري او د هېواد نه بهر هم د ټولنې ټولو قشرونو ته خطاب كوي.

   ټي آر ټي تل هڅه كوي چې د ښوونې او كلتورې سوېې، د ټولنې د بيلابيلو مسلكونو خاوندانو، ماشومانو، ښځو، ځوانانو او سپين ږيرو ته په خطاب كې بېطرفانه، كره، ښوونيزې، كلتوري او ټولنيزې خپرونې وړاندې كړي. د ټولنې د كلتوري سطحې په نظر كې نيولو سره د ملي كلتور د پراختيا او پياوړتيا لپاره كار كوي.

 

TRT-1  - كورنى كانال

ټي آر ټي – ۱ د كورنيو مسايلو او  اړيكو په اړه خپرونې كوي. دا كانال په تركيه كې تر ټولو زيات ليدونكي لري. دا كانال د ښونيزو، كلتوري، تفريحي، سپورټي، ډرامو او خبري خپرونو په درلودلو سره ټولې تركېې ته خطاب كوي. دا كانال د تركېې د خاورې په سلو كې ۹۹،۹ تر پوښښ لاندې لري او د سپوږمكۍ او انټرنېټ له لارې ټولې نړۍ ته خپرونې لري. ټي آر ټي – ۱  دوه څلويښت كاله كيږي چې د مينه والو په خدمت كې دى.

 

TRT-HABER

دا كانال په تركيه كې د روانو چارو په اړه تازه او كره خبرونه، تبصرې او سياسي شننې، سپورټي خپرونې، مستند فلمونه، كلتوري او هنري خپرونې لري. TRT-HABER  د ټي آر ټي د مسلكي تجربو په رڼا كې د نړۍ د ټولو رنګونو په وړاندې كولو سره ستاسې په خدمت كې دى. تاسې كولاى شئ چې د سمو او كره معلوماتو او خبرونو د ترلاسه كولو حق ددې كانال له لارې ترلاسه كړئ.  د خبرونو كانال  TRT_HABER  په هر ځاى كې له تاسې سره دى.

 

TRT-3 

دا ټلويزيوني كانال د تركېې د ملي شورا د ټلويزيوني كانال سره په ګډه دوره ايي خپرونې لري. TRT-3 عموما سپورټي خپرونې لري. د ۲۰۱۰ كال د اګست د مياشتې راهيسي د TRT Sporد لوګو سره خپرونې لري.

 

TRT-GAP

دا ټلويزيوني كانال د اناتوليا په ختيځو او سوېل ختيځو ولايتونو كې د ميشتو هېوادوالو د اړتياوو سره سم د سيمې د اقتصادي، كلتوري او ښوونيزې سطحې په نظر كې نيولو سره ښوونيزې، كلتوري، تفريحي، سپورټي او د موسيقۍ خپرونې لري. TRT-GAPد سيمې د خلكو ګډ آواز دى.

 

TRT-4

دا ټلويزيوني كانال د ټي آر ټي د ماشومانو د كانال (TRTÇocuk) او د ټي آر ټي د ښوونځي د كانال (TRT Okul) سره په ګډه په دوره ايي توګه خپرونې لري.

 

TRT Anadolu

د ټي آرټي اناتوليا په نامه ټلويزيوني كانال د ۲۰۱۰ كال د اكتوبر په مياشت كې د ( يوه پرده سل پردې، سل پردې يوه پرده) تر شعار لاندې په خپرونو پيل وكړ. د  TRT Anadolu د ټلويزيوني كانال د خپرونو يوه برخه د ټي آر ټي په آرشيف كې شتې په زړه پورې خپرونې او بله برخه ېې د نورو ټلويزيوني كانالو سره ګډې ژوندۍ خپرونې جوړوي. د بله پلوه د سيمه ايزو او سراسري كلتوري ارزښتونو په اړه راټولې شوې خپرونې او عنعنوي ارزښتونو د ساتنې په لار كې خپرونې خپروي.

 

TRT-6( ټي آر ټي شش)

د ټي آر ټي دا خپرنيز كانال په نړيواله سطحه په كردي ژبه باندې خپرونې لري. دا كانال په نړيواله سطحه او په ځانګړې توګه د سيمې د هېوادونو سره د نېكو اړيكو د ټينګولو په لار كې كلتوري خدمتونه وړاندې كوي. دا كانال په هېواد كې د ملي يووالي د ساتنې او پياوړتيا په موخه په كردي ژبه هر ډول خپرونې لري. TRT-6( ټي آر ټي شش) د ۲۰۰۹ كال د جنورۍ په مياشت كې په خپرونو پيل وكړ.

 

TRT-ÇOCUK

د ټي آر ټي د ماشومانو كانال د معاصر تمدن سره سم د تركي ماشومانو د هر اړخيزې  اخلاقي، ذهني، روحي او فزيكي روزنې په موخه بيلابيلې ښوونيزې، سپورټي، كارتوني فلمونو، او خبرونو په څېر خپرونې لري. د ټي آر ټي د ماشومانو كانال د د نړيوالو پيداكوژيكي موازينو په نظر كې نيولو سره  تركي ماشومانو ته د تركي

ژبې او كلتور  د زده كړې تر څنګ د نوموړو د خوشالۍ په موخه يو شمير تفريحي خپرونې هم لري.

 

TRT-TÜRK

دا كانال نړۍ په نړيواله سطحه په تركي ژبې خپرونې لري.  د ټي آر ټي ترك  كانال په نړۍ كې د ميشتو تركانو سره د كلتوري اړيكو د ټينګښت په موخه خبري، كلتوري او هنري خپرونې لري. د هېواد نه بهر د ميشتو تركي هېوادوالو د خوښئ او غم د شريكولو په موخه فعاليت كوي. د كانال شعار (د نړۍ په هر ګوډ كې چې اوسيږئ)

 

TRT-AVAZ

د ټي آر ټي آواز كانال چې د ۲۰۰۹ كال د مارچ په مياشت كې ېې په خپرونو پيل وكړ، د ازبكستان، قزاقستان، قېرغيزستان،تركمنستان، آربايجان، بوسنيا هرزګوينا، البانيا او تركېې په هېوادونو كې د ميشتو تركتوكمه هيوادوالو لپاره په اتو بيلابيلو ژبو باندې خپرونې لري. ددې كانال موخه د لرې ختيځ نه د بالكان تر سيمې پورې د ميشتو تركانو او تركيې ترمينځ د معنوي او كلتوري اړيكو پراختيا او د تركي جمهوريتونو ترمينځ د فكري يووالي رامنځته كول دي. آواز چې د يو زيات شمير تركي ژبو په لهجه كې د غږ معنى لري، د تركي جهموريتونو د ګډ آواز په توګه د منځني ختيځ نه تر قفقاز د سيمې پورې په ۲۷ هېوادونو او ۱۳ خودمختاره جمهوريتونو كې د ميشتو ۲۵۰ ميليونو تركانو ته خطاب كوي.

 

TRT- BELGESEL

د ټي آر ټي د مستندو فلمونو كانال چې د تركېې په اړه په انګليسي، فرانسوي، روسي، الماني او تركي ژبو باندې خپرونې لري. د مستندو فلمونو كانال د تركېې د تاريخ، طبعي ښكلا، ټولنې، چاپيريال، سپورټ، كلتور – هنر، پوهنې او ټيكنالوژۍ په اړه خپرونې خپروي. دا كانال چې تيره زمانه راتلونكې ته وړاندې كوي او د طبعي ښكلا په اړه څېړنې كوي د ۲۰۰۹ كال د اكتوبر د مياشتې راهيسې خپرونې لري.

 

TRT-MÜZİK

د ټي آر ټي د موسيقۍ په كانال كې د تركي او نړيوال موسيقۍ سربيره  هنري سيالۍ، د موسيقۍ په اړه مستند فلمونه، كنسرتونه، د لسو غوره سندرونو لستونه او ژوندۍ خپرونې لري. دا كانال چې د نوامبر د مياشتې د ۱۶ نېټې راهيسي خپرونې لري د تركېې د سيمه ايزې او كلاسيكي موسيقۍ سربيره د هېواد او نړۍ د نامتو هنرمندانو هنري آثار مينه والو ته وړاندې كوي.

 

TRT- ETTÜRKİYYE(ټي آر ټي – التركيه)

د ټي آر ټي – التركيه ټلويزيوني كانال چې په عربي ژبه باندې خپرونې لري، په نړيواله سحطه او په ځانګړي توګه د سيمې د هېوادونو  سره د تركېې د ګډې ژبې، ګډې پردې او ګډو احساساتو د شريكولو په موخه جوړ شوى دى. ټي آر ټي – التركيهد ټولنې ټولو قشرونو ته په خطاب سره بيلابېلې كلتوري، اقتصادي، روغتيايي،  ټولنيزې، سياسي ، مستند فلمونه، ډرامې، سپورټي، هنري، ديني او د موسيقۍ خپرونې خپروي.  د ټي آر ټي – التركيه كانال د ۲۰۱۰ كال د اپريل په مياشت كې په خپرونو پيل وكړ. دا كانال د ۲۲ عربي هېوادونو هېوادوالو ته چې په عربي ژبه خبرې كوي او ۳۵۰ ميليونه نفوس لري خپرونې كوي او پدې ډول د تركېې او عربي هېوادونو ترمينځ اړيكې نورې هم پراخوي.

 

TRT HD

د ټي آر ټي خپرنيز موسسه تل كوښښ كوي چې  د تر ټولو پرمختللې ټيكنالوژۍ نه په ګټې اخيستلو سره خپلو مينه والو ته خپرونې وړاندې كړي. دا كانال  ايچ ډي ټيكالوژۍ په كارولو سره  خبري، كلتوري او سينمايي خپرونې خپروي. د آيچ ډي كانال د ۲۰۱۰ كال د جون په مياشت كې په خپرونو پيل كړى دى. ټي آر ټي ايچ ډي همداراز د فوټبال د نړيوال جام خپرونې هم په ژوندۍ بڼه خپرې كړې.

 

TRT SPOR   

د ټي آر ټي سپورټ كانال چې د ۲۰۱۰ كال د اګست په مياشت كې ېې په خپرونو پيل كړى دى  په ژوندۍ بڼه د ملي او نړيوالو سپورټي سياليو په خپرولو سره  د مينه والو په خدمت كې دى. دا كانال د سپورټ هرې څانګې ته ځانګړى اهميت وركوي.