د تورکیې د ورځپاڼو سرټکي

د سټار ورځپاڼې  "د غزې لپاره ډیپلوماسۍ"  سرلیک لاندې لیکلي دي ، د تورکیې

ولسمشر رجب طیب اردوغان د اسپانیا له لومړي وزیر پیدرو سانچیز سره ټیلیفوني خبرې وکړې. د ملاقات په مهال په غزه كې د دايمي اوربند او د امن په هلو ځلو خبرې وشوې.

حریت ورځپاڼې  "کورتولموش: نتانیاهو او د هغه ډله باید حساب ورکړي" د سرلیک لاندې لیکلي دي ، د تورکیې د ملي شورا مشر نعمان کورتولموش د اسیا د پارلماني اسمبلۍ  د اجرایوي شورا په غونډه کې په خپله وینا کې وویل، لویدیځ غوره ګڼي چې په غزه کې د قتل عام پر وړاندې سترګې پټې کړي. دا ډله باید په نړیواله جنایي محکمه کې محاکمه  شي."

د ینې شفق ورځپاڼې  "تورکیې ته د ناټو لخوا د تروریزم سره د مبارزې په برخه کې د یووالي پیغام" د سرلیک لاندې لیکلي دي ، د ناټو عمومي منشي ینس سټولټنبرګ ویلي چې دوی باید له تورکیې سره په ګډه کار وکړي چې د ترهګرو سازمانونو لکه PKK په وړاندې ځان خوندي کړي. هغه ویلي دي  "ناټو اوس دا کار کوي."

صباح ورځپاڼې  "روسیې او تورکیې د طبیعي ګاز د مرکز لپاره د لارې په نقشه موافقه وکړه" د سرلیک لاندې لیکلي دي، روسیې او تورکیې  د انرژۍ د  ګډ مرکز لپاره  د تراکیا سیمه غوره کړه. د پلان له مخې دا  مرکز چې په پام کې ده په ۲۰۲۴ کال کې بشپړ شي ، تورکیه به د طبیعي ګازو مرکزي هیواد باندې بدل کړي.

د خبر تورک ورځپاڼې  "د ټکنالوژۍ د سترو شرکتونو لخوا په تورکیه کې پانګه اچونه " د سرلیک لاندې لیکلي دي ، پداسې حال کې چې تورکیه د اقتصاد او سیاسي ثبات په برخه کې د ګامونو په اخیستو سره د نړیوالو مستقیمو پانګونو په مرکز بدله شوې، د نړۍ مخکښ شرکتونه، له علی بابا څخه نیولې تر  امازون، له هاوايي  څخه نیولې پپسي کولا پورې په تورکیه کې نوي پانګونې ته مخه کړې. د سږ کال په ۹ میاشتو کې د پانګونې ۹۳ نوې پروژې راغلې.