د تورکیې د ورځپاڼو سرټکي

صباح  ورځپاڼې "اردوغان: ښاري بدلون د تورکیې لپاره اړین دی" د سرلیک لاندې لیکلي دي ، د تورکیې ولسمشر رجب طیب اردوغان  د تورکیې د ناورین او بیړنیو حالاتو د ادارې  په مشرۍ  په جوړو شوو مراسمو کې  وویل چې ، د تورکیې لپاره چې  ۷۱ سلنه وګړي  د زلزلې  د لوړ خطر  په سیمو کې ژوند کوي  د ښاري بدلون  کارونه  انتخاب نه بلکې  اړتیا ده.

حریت  ورځپاڼې "په شمالي عراق کې د د تورکیې د ملي استخباراتو  لخوا عملیات" د سرلیک لاندې لیکلي دي ، په تیره اونۍ کې د عراق په شمال کې د خاکورک په سیمه کې د  تورکیې د ملي استخباراتو لخوا په ترسره شویو عملیاتو کې، د PKK/YPG   ترهګري سازمان ۱۵ تنه ترهګر له منځه یوړل. د ویلو ده چې په نوموړو وژل شوو ترهګرو کې ددې سازمان تش په نامه مشران شتون لري.  

د ینې شفق ورځپاڼې  "د تورکیې د انرژۍ وزیر لخوا  څخه ښه خبر" د سرلیک لاندې لیکلي دي ، د تورکیې د انرژۍ او طبیعي زیرمو وزیر الپارسلان بیرقدار وویل چې د ساکریا ګاز په ساحه کې هره ورځ ۴ نیم  میلیون متر مکعب ګاز تولیدیږي او دا کولی شي چې د ۱ عشاریه ۸ میلیون کورنیو اړتیاوې پوره کړي.

سټار ورځپاڼې "تورکیې ته د بهرنیو سرچینو قوي جریان" د سرلیک لاندې لیکلي دي ،

د تورکیې د خزانې او مالیې وزیر محمد شیمشیک وویل چې د اسلامي پراختیایي بانک  غړي  به د ۲۰۲۴ او ۲۰۲۶ کلونو ترمنځه  د هیواد ستراتیژۍ تنظیم کولو په چوکاټ کې په تورکیه کې پروژو ته ۶ عشاریه ۳  میلیارد ډالر تمویل چمتو کړي او وویل: د اقتصادي برنامې په برکت چې  موږ پلي کړي، تورکیې ته د بهرنیو منابعو جریان په دې ډول دوام لري.

وطن ورځپاڼې  " د تورکیې ملي هوايي شرکت  افغانستان ته بیا الوتنې پیلوي" د سرلیک لاندې لیکلي دي ، د تورکیې د ملکي هوايي چلند شرکت ترکش ایرلاین (THY) چې په ۲۰۲۱ کال کې افغانستان ته الوتنې بندې کړې وې، دغه هیواد ته خپلې الوتنې بیا پیلوي. دغه هوايي شرکت چې د مې په ۲۱مه به د افغانستان پلازمینې کابل ته خپلې الوتنې بیا پیل کړي، د استانبول – کابل الوتنې به په اوونۍ کې څلور ورځې کوي.