د تورکیې د ورځپاڼو سرټکي

وطن ورځپاڼې  "په بهر کې  میشت د تورکیې اتباعو نن  په رای ورکولو پيل وکړ" د سرلیک لاندې لیکلي دي ، په تورکیه کې د ولسمشرۍ او ولسي جرګې د ۲۸ مې دورې عمومي ټاکنو لپاره په بهر کې  میشتو تورکي اتباعو لپاره د رایې ورکولو بهیر د ګمرکونو په دروازو او بهرنیو نمایندګیو کې پیل شو. د ګمرکونو په دروازو کې د رایې ورکولو بهیر به د یکشنبې د ورځې، د می د ۱۴ نیټې د مازیګر  تر پنځو بجو پورې دوام وکړي. همداشان د هیواد نه بهر په ۸۷ هیوادونو کې به د رای اچونې بهیر د مې د میاشتې تر نهمې نیټې پورې د ماښام تر ۷ بجو پورې دوام وکړي.

حریت ورځپاڼې  "د تورکیې لخوا لویدیځ ته د PKK خبرداری" د سرلیک لاندې لیکلي دي،د ولسمشرۍ ویاند ابراهیم قالن د هغو کسانو په اړه غبرګون وښود چې هڅه کوي د سوریې په شمال کې د PKK ترهګرې ډلې  ته مشروعیت ورکړي. قالن وویل، موږ په واضح ډول وایو؛ PKK او د هغې ډولونه زموږ لپاره یو روښانه او مشروع هدف دی، مهمه نده چې دوی په کوم ځای کې وي، مهمه نده چې دوی د کوم بیرغ لاندې پټ کړي. موږ به د هر ډول ترهګرۍ پر وړاندې په ټولو سیمو کې مبارزې ته دوام ورکړو.'

د صباح ورځپاڼې  "د تکنو فسټ  لیوالتیا پیل کیږي" د سرلیک لاندې لیکلي دي ،

په ۲۰۱۸ کال کې د لومړي ځل لپاره تنظیم شوی ، د نړۍ ترټولو لوی هوایی چلند او فضايي ټیکنالوژۍ فستیوال ، ټکنوفسټ نن د ۷م ځل لپاره د استانبول اتاترک هوایی ډګر کې پیل کیږي. دا فستیوال، چې د می تر لومړۍ نیټې پورې به دوام وکړي، د میلیونونو ټکنالوژۍ مینه والو کوربه توب به وکړي .

ینی شفق ورځپاڼې  "ترکسات 6A به د ۲ میلیارد نفوس پوښښ لاندې راولي" د سرلیک لاندې لیکلي دي ، د تورکیې د ساینس او ټکنالوژیکو څیړنو ادارې  مشر حسن مندل ویلي دي چې د تورکیې لومړنۍ کورني او ملي مخابراتي سپوږمکۍ ترکسات 6A به د کال په پای کې یا د ۲۰۲۴ کال په پیل کې فضا ته وتوغول شي. د دې په څرګندولو سره چې د پوښښ ساحه به د جغرافیې او د اړیکو په برخه کې د نفوس له مخې پراخه شي، منډل وویل، "ترکات 6A به د ۲ میلیارد نفوس پوښښ لاندې راولي."

د خبرتورک ورځپاڼې  "۱ میلیونه ۱۰۰ زره کسان د ویښتانو د کینولو او ښکلا لپاره راغلي" د سرلاندې لیکلي دي ، په ۲۰۲۲ کال کې شاوخوا ۱ میلیون ۸۶۰ زره کسان د درملنې لپاره تورکیې ته راغلي دي. د هغو کسانو شمېر چې تورکیې ته د ویښتانو د کینولو  او ښکلا لپاره راځي، شاوخوا یو میلیون او سل زره دي. د دې تر څنګ د طب په ټولو څانګو کې د آنکولوژي څخه تر ارتوپیډیک پورې، د زړه له جراحۍ څخه تر عمومي جراحۍ پورې، د غوږ، پوزې، ستوني او عصبي جراحۍ څخه تر فزیکی درملنې او د ویټرو فرټیلیشن په برخه کې د ناروغانو ډیر جدي شمیر تورکیې ته راځي.