د ترکیې د ورځپاڼو سرټکي

د ینې شفق ورځپاڼې  « پ ک ک – پ وای ډي او وای پي جي په عفرین کې د لمنځه تلو په حال کې دي  »   سرلیک لاندې لیکلي دي، د ترکیې ولسمشر رجب طیب اردوغان په الجزایر کې  د وروستیو پرمختګونو په اړه خبریالانوته معلومات ورکړل.

ولسمشر اردوغان وویل چې  د سوریې د عفرین سیمه  چې د پ ک ک ترهګرې ډلې او د هغوې د څانګو او داعش  ترهګرې ډلې  تر اشغال لاندې قرار لري  ۵۴۰ کیلومتره سیمه  د ترهګرو د اشغال نه ژغورل شوې ده .

هغه وویل چې  ترهګرې ډلې  په عفرین کې د ماتې په درشل کې قرار لري  او هر څه ژر به له منځه یوړل شي. ترکي ځواکونو ستونزمندې  سیمې  تصفیه کړي  ددینه وروسته  وار د اسانه سیمو  دی. ترکیې ځواکونو  د عفرین سیمه  د هلال په شکل محاصره کړې ده .

د ترکیې  پولو سره  د ترهګرو  هر ډول  تماس  او اړیکې  پرې کړی شوي دي. انشاالله چې په نږدې راتلوونکې کې به ټوله سیمه د ترهګرو نه تصفیه او پاکه کړو.

د صباح ورځپاڼې « وای پي جي ماشومان په قتل رسوي  »  د سرلیک لاندې لیکلي دي، د پ ک ک ترهګرې ډلې  د سوریې څانګې پ وای ډي او وای پي جې  چې  د ترکیې د وسله والو ځواکونو لخوا په عفرین کې د پیل کړو عملیاتو له امله  په کوتۍ کې  ځای شوي دي  د ملکي وګړو نه د سپر په توګه  کار اخلي. همداشان هغه  ملکي وګړي چې ددوې سره  د مرستې او ملاتړ نه  ډډه کوي په ډیره بې رحمانه توګه يي په قتل رسوي. د ترکیې استخباراتو پدې اړه  یو ۲۵ پاڼیز راپور  خپور کړی دی.

نوموړی  راپور  چې  د سیمه ایزو سرچینو، د سیمې خلکو  ، ازادې سورېې ځواکونو  او په عفرین کې  د ترکيې د وسله والو ځواکونو  په تایید سره  خپور شوی دی  پکې راغلي دي چې ترهګرو  په هغه سیمو کې چې د ترکي ځواکونو لخوا  تصفیه شوي دي  د ۷ او ۱۳ کلونو د عمر ترمنځه  ۲۱۱ تنه ماشومان په ډیرې بې رحمۍ سره  په قتل رسولي دي.

همداشان  ترهګرو پدې سیمو کې  ۴۱۷  تنه ملکي وګړي  چې دوی سره د مرستې او ملاتړ نه ډډه کړې وه  وژلي دي.

د سټار ورځپاڼې  « شمالي قبرس ترک جمهوریت اروپايي ټولنې ته خبرداری ورکړ » د سرلیک لاندې لیکلي دي، د شمالي قبرس ترک جمهوریت  د بهرنیو چارو وزارت  اروپايي ټولنې ته  چې پرته د قید او شرط نه  سویلي قبرس  نه  ملاتړ کوي خبرداری ورکړ. د شمالي قبرس ترک جمهوریت د بهرنیو چارو وزارت په خپره کړې خبرپاڼه کې ویلي دی چې  د اروپايي ټولنې  دا  یو پلوی  دریځ  د قبرس د خلکو پر وړاندې ددوې  اعتماد  او باور له منځه وړي.

په خبرپاڼه کې  راغلي دي چې  د اروپا د شورا ریس دونالد توسک  په ترکیې غږ کړی دی چې په ختیځې  مدیترانه کې  خپل هر ډول  موجودیت ته  د پای ټکی کیږدي. د اروپا د شورا  دا  چلند  د نړۍوالو حقوقو سره په ټکر کې  دی.

په خبرپاڼه کې راغلي دي چې  د توسک  دا چلند  په هیڅډول  د منلو وړ ندی. ترکیه  هغه هیواد دی چې  په ختیځه مدیترانه کې تر ټولو  زیات سواحل لري. د اروپا د شورا لخوا  د ترکیې  پر حقونو سترګې پټول  د منلو وړ ندي. اروپايي ټولنې د تل په سیمه  په سیمه کې د شمالي قبرس ترکي جمهوریت په شتوالي  او حقونو سترګې پټې کړي دي.

د وطن ورځپاڼې «  د ترکیې د ګرځندوی د سکتور لپاره  زیری  »  د سرلیک لاندې لیکلي دي، د ترکیې  د ګرځندوی سکتور  ۲۰۱۸ کال  د ودې سره  پيل کړ. د ۲۰۱۸ کال د جنوري په میاشت کې  تر یو نیم میلیون تنو ډیر ګرځندویان  ترکیې ته راغلي دي، همداشان  د جرمني ګرځندویانو په ترکیه کې د رخصتۍ د تیرولو په خاطر  وار د مخه  ډیر زیات  هوټلونه  ریزرف کړي دي.

د ترکیې د ګرځندوی  په سیمو کې وار د مخه هوټلونه  ۲۸ سلنه ریزرف شوي دي. په خبر کې راغلي دي پداسې حال کې چې د ۲۰۱۷ کال د جنوري په میاشت کې ترکیې ته یو میلیون او ۵۵ زره او ۴۷۵ تنه ګرځندویان راغلي وو  د ۲۰۱۸ کال د جنوري په میاشت کې بیا  تر یو نیم میلیون تنو ډیر ګرځندویان ترکیې  ته راغلي دي .

دې رقم  د ترکیې د ګرځندوی د سکتور  هیلې  راژوندۍ کړي دي.