د  ترکیې د ورځپاڼو سرټکي

د حرییت ورځپاڼې  « اردوغان او پوتین لخوا د سوریې په اړه ګډ دریځ »  د سرلیک لاندې لیکلي دي ، د ترکیې ولسمشر رجب پرون  په انقره کې د ولسمشرۍ په ماڼۍ کې د روسیې  د ولسمشر ولادیمیر پوتین سره  لیدنه وکړه. دواړو مشرانو پدې لیدنه کې  د سوریې  او عراق په مسلې خبرې وکړې. دواړو مشرانو  د سوریې او عراق په ارضي تمامیت  او ملي یووالي ټینګار وکړ.

ولسمشر اردوغان  وویل چې  د عراق  په شمال کې  د کوردانو فدرالي  ادارې د تیرې دوشنبې په ورځ  په غیرې قانوني توکه  غیرې مشروع  ټولپوښتنه  ترسره کړه. مونږ  باید  د عراق په شمال کې د فدرالي ادارې لخوا  د لا زیاتو خطاګانو  د ترسره کولو مخه  ونیسو.

د خبرترک « د ترکیې لخوا  سخت خبرداری  »  د سرلیک لاندې لیکلي دي، د ترکیې لومړي وزیر بنعلي ییلدرم  د عراق په شمال کې د فدرالي ادارې لخوا د عراق نه د بیلتون په خاطر د تیرې دوشنبې په ورځ  د ترسره کړې ټولپوښتنې په اړه ارزونې وکړې. هغه وویل «  د عراق د شمال لخوا  د ترکیې پولو نه بهر او یا دننه د کوچني تهدید په صورت کې به  سخت ځواب  ورکړو. د هیڅډول  اقدام  نه به ډډه ونکړو.د ترکیې ملي امینت ته د هر ډول ګواښ د مخامخولو په صورت کې به  ډیر سخت ځواب ورکړو. »

د سټار ورځپاڼې « ترهګریز سازمان  نه لاره ورکه شوې ده  »  د سرلیک لاندې لیکلي دي، د ترکیې د کورنیو چارو وزیر سلیمان  سویلو  وویل چې ترکیې د وسله والو ځواکونو بې پيلوټه  الوتکو  د پ ک ک  ترهګرې ډلې نه وارخطا کړې او لاره يي ترینه ورکه کړې ده. هغه وویل چې د بې پیلوټه الوتکو په عملیاتو کې پرته  د ځاني ضایعاتو  ترهګرو ته  ستر ګوزار  وارد شوی دی. د ترهګرو  ستراتیژي او تاکتیکونه له منځه  وړل شوي دي. د ترهګرې ډلې سره  د نوو جنګیالیو د یو ځای کیدو  مخه  تر ډیر  حده  نیول شوې ده . د پ ک ک  ترهګرې ډلې  د تیرو ۳۰ کلونو راهیسې  تر ټولو ستره ضربه  لیدلې ده.

د ینې شفق ورځپاڼې  « ملي اقتصادي درجه بندۍ سازمان  د جوړیدو په برخه کې لومړنی ګام  اوچت شو »  د سرلیک لاندې لیکلي دي، ترکیې  د ملي اقتصادي درجه بندۍ  سازمان د جوړولو  په برخه کې لومړنی ګام اوچت کړ. د منځ مهاله پروګرامونو  په چوکاټ کې لومړی  د اقتصادي درجه بندیو اړوند  مضبوط بڼسټ د خطراتو  د ثبت او راجستر مرکز  جوړیږي. ددینه وروسته بیا د ملي درجه بندۍ سازمان د جوړولو په چارو پیل کیږي.

د صباح ورځپاڼې  « د قونیې  تاریخي بری  »  د سرلیک لاندې لیکلي دي، د اروپا د فوټبال د اتلولیو د لیګ د سیالیو په چوکاټ کې د  ترکیې د قونیه اتیکر د فوټبال لوبډلې  د په i  گروپ کې  د ویتوریا ګویمراسیس  لوبډلې سره  سیالي وکړه. سیالي ۲ د یو په مقابل کې  د قونیه اتیکر لوبډلې په ګټه پایته ورسیده. د اتیکر قونیه سپورت  لوبډلې  لخوا لومړنی  بری ترلاسه کړ.