Түрік баспасөзіне шолу
Түрік баспасөзінің басты тақырыптары
Хүррийет газеті «ЕО-қа СКТР наразылығы: Сізді кім қорқытады?» атты хабар жариялаған. Хабарға қарағанда Президент Режеп Тайып Ердоған тікелей эфирде Солтүстік Кипр Түрік Республикасы (СКТР) президенті Эрсин Татардың Швейцарияның Женева қаласында бас имегенін атап «Хабарды тиісті адамдарға жеткізді. Екі бірдей егеменді мемлекет, бұдан ешқандай жеңілдік жасалмайды. ‘Біз тағы 50 жыл күте алмаймыз’ деді. Не керек болса, оны қазір жасау керек. Оңтүстікке келген кезде неғып солтүстікке де бармайсыңдар? Сені кім қорқытады?» деді.
Стар газеті «Алтуннан АҚШ-қа қатаң наразылық» атты хабар жариялаған. Хабарға қарағанда Президенттік Коммуникация басқармасы төрағасы Фахреттин Алтун кейбір ауғандықтардың Түркияға қоса үшінші елдер арқылы АҚШ-қа иммиграцияға өтініш бере алатыны жөніндегі мәлімдемесіне «Түркия ешкімнің күту залы емес және болмайды» деп наразылық көрсетті.
Йени Шафак газеті «Селчук Байрактар: 10 елмен қысқаша «TB2 IHA» деп аталатын пилотсыз ұшақ үшін келісімшарт сатысына жеттік» атты хабар жариялаған. Хабарға қарағанда «БАЙКАР» технологиясы басшысы Селчук Байрактар қазіргі уақытта 4 елге экспортталатын «Bayraktar TB2» пилотсыз ұшағы үшін 10 елмен келісімшарт сатысына жеткендерін атап көрсетті.
Сабах газеті «Украинадан Bayraktar TB2-ге үлкен мақтау» атты хабар жариялаған. Хабарға қарағанда Украина мемлекеттік ғылыми-зерттеу институты (DNDI) электронды соғыс шарттарына төзімділігін сынаған Bayraktar TB2 тестісінің қорытындысын әлемге жариялады. Институт жасаған мәлімдемеде «Bayraktar TB2 әр түрлі заманауи электронды соғыс кедергілерінің ықпалымен сыналды. Бұған қарағанда TB2-нің электронды соғысты қолданатын заманауи соғыс шарттарында жауынгерлік қабілеті өте жақсы» делінді.
Хабер түрік газеті «Асылтас экспорты 7 айда 48,5 пайызға өсті» атты хабар жариялаған. Хабарға қарағанда Түркияның зергерлік бұйымдар экспорты жылдың алғашқы 7 айында өткен жылдың бірдей кезеңімен салыстырғанда 48,5 пайызға артып, 2 миллиард 916 миллион 544 мың долларға жетті. Саланың ең көп экспорт жасаған елі 454,1 миллион доллармен АҚШ болды.
