Astanada MDB Hökumət Başçıları Şurasının iclası keçirilir

Qazaxıstanın paytaxtı Astana şəhərində MDB Hökumət Başçıları Şurasının iclası başlayıb.

İclasda 10-dan çox sənədin qəbul ediləcəyi nəzərdə tutulub.

Qeyd edək ki, MDB Hökumət Başçıları Şurasının iclası 1991-ci ildən etibarən keçirilir. Budəfəki iclas sayca 80-cidir. Qurumun sonuncu toplantısı cari ilin mayında videokonfrans formatında baş tutub.

Hazırda MDB-yə Qazaxıstan sədrlik edir. 2023-cü ildən isə sədrlik Qırğızıstana təhvil veriləcək. Qazaxıstan və Rusiya isə həmsədr olacaq.

İclasda Azərbaycanı Baş nazir Əli Əsədov təmsil edir.