Volkan Bozkır İsrailə reaksiya göstərib

BMT Baş Assambleyasının 75-ci sessiyasının prezidenti Volkan Bozkır Əl-Aksa məscidi də daxil olmaqla bütün ibadət yerlərinə hörmət göstərməyə çağırdı.

Volkan Bozkır "Twitter" hesabından İsrail polisinin Qüdsdə Əl-Aksaya səs bombaları ilə müdaxiləsinə reaksiya verib:

"İsrail polisinin müqəddəs Ramazan ayının son cümə günü Qüdsdəki Əl-Aksada səs bombaları hücumundan dərin kədər duydum. 1,8 milyard müsəlman üçün müqəddəs və əhəmiyyətli olan Əl-Aksa da daxil olmaqla bütün ibadət yerlərinə hörmət etməyə çağırıram".