Malidə sülhməramlılara hücum

Malidə silahlı bir qrupun Birləşmiş Millətlər Təşkilatının Təhlükəsizlik Missiyasına aid avtomobillərə hücum etməsi nəticəsində 6 sülhməramlı hərbçi ölüb, 5-i yaralanıb.
Ölkənin şimalındakı Timbuktu bölgəsində pusqu quran silahlı qrup sülhməramlılara aid 2 avtomobilə də atəş açıb.
Birləşmiş Millətlər Təşkilatının Baş katibi Pan Gi-Mun hücumu qınayaraq günahkarların tez bir zamanda məhkəmə qarşısına çıxarılmasını istəyib.
Qeyd edək ki, ölkənin şimalındakı silahlı qruplarla hökumət arasında ötən ay imzalanan sülh razılaşmasına baxmayaraq hücumlar davam edir.