Hakan Fidan Ankarada Park Jin bilan mushtarak matbuot anjuman uyushtirdi

Tashqi ishlar vaziri Hakan Fidan Janubiy Koreya tashqi ishlar vaziri Park Jin bilan yangi xalqaro dinamika asosida ikki davlat munosabatlarini qanday mustahkamlashi mumkinligini muhokama qildi.

Fidan, poytaxt Ankarada Tashqi ishlar vazirligida Park Jin bilan uchrashuvidan keyin uyushtirilgan mushtarak matbuot anjumanida so'zladi.

Xalqaro tizimda yangi geosiyosiy va geoiqtisodiy tenglama paydo bo’lganiga diqqat qaratgan Fidan, bu harakatning markazida Osiyo turganini ta’kidladi.

Fidan 5 asrdan keyin Osiyo dunyoning takror ishlab chiqarish, texnologiya, innovatsiya va savdo markaziga aylanganini aytdi.

Uning so‘zlariga ko‘ra, g‘arb dunyosi markaziy mavqeini yo‘qotgan bir paytda jahon siyosatining og‘irlik markazi sharqqa siljigan.

Bu o'zgarishlarning Osiyoda qiziqish va raqobatni oshirganini ta'kidlagan Fidan, Janubiy Koreyaning Turkiyaning strategik sherigi ekanligini bildirdi.

Vazir Fidan,

“Bugun biz imzolagan “yo‘l xaritasi” bu yo‘nalishdagi umumiy irodamizning belgisidir.

Taxminan 1,5 yil davomida sinchkovlik bilan ishlab chiqilgan yo'l xaritasi munosabatlarimizning institutsional asoslarini belgilab beradi. Aloqadan transportga, sog'liqni saqlashdan texnologiyaga, ta'limdan madaniyatga, sportdan qishloq xo'jaligiga qadar biz yaxlit tarzda tashlaydigan qadamlarni olg'a surmoqdamiz.

Matbuot anjumani oldidan ikki davlat tashqi ishlar vazirlari “Dinamik Turkiya-Koreya munosabatlari uchun yo’l xaritasi”ni imzoladilar.

​