Hakan Fidan Iroq Turkman jabhasi yetakchisi bilan uchrashdi

Turkiya tashqi ishlar vaziri Hakan Fidan poytaxt Ankarada Birlashgan Millatlar Tashkiloti Habitat ijrochi direktori Maimunah Mohd Sharif va Iroq Turkman Jabhasi rahbari Hasan Turan bilan uchrashdi.

Bu haqda Tashqi Ishlar Vazirligining Twitter’dagi sahifasida ma’lum qilindi.

Ma’lumotga ko’ra, Hakan Fidan BMT Habitat ijrochi direktori Maimunah Mohd Sharifni qabul qilgan.

Ortidan, Iroq Turkman Jabhasi rahbari Hasan Turan bilan uchrashuv bo'lib o'tgan.

Vazirlik ma'lumotlariga ko'ra, Turkiya tashqi ishlar vaziri Hakan Fidan Sloveniya Bosh vazir o'rinbosari, Tashqi va Yevropa ishlaridan mas’ul davlat vaziri Tanja Fajon va Kosovo Bosh vaziri Albin Kurti bilan telefon orqali muloqot qilgan.

Muloqot chog’ida ikki tomonlama munosabatlar muhokama qilingan.