Erdo'g'an Iroqdagi so'nggi terror hujumiga munosabat bildirdi

Turkiya Prezidenti Rajab Tayyip Erdo'g'an Iroqdagi so'nggi terror hujumiga munosabat bildirdi.

"Bu PKKning odatiy terror harakatlariga o'xshaydi", deb aytgan Turkiya yetakchisi.

Erdog’an bu haqda “TRT” telekanaliga suhbatida ma'lum qildi.

Iroqning Dohuk viloyatida o’tgan hafta bo’lginchi terror tashkiloti PKK tomonidan uyushtirilgan va 9 nafar tinch aholining hayotiga zomin bo'lgan hujum haqida gapirgan Erdo'g’an marhumlarning yaqinlariga Turkiya nomidan hamdardlik bildirdi. 

“Bu PKK/YPG-PYD ularning odatiy terrorchilik harakatlariga oʻxshaydi. Biz bunga begona emasmiz. Biz amerikaliklarga, Rossiya tomoniga “Mana, shunday bo‘ldi, aldanib qolmaylik”, dedik. Xuddi shunday, biz buni iroqlik do'stlarimizga yetkazdik. Bayonotlarga e'tibor bering, Turkiyaning do'stlari va birodarlari bilan bunday harakatga kirishishi mumkin emas. Biz bunday ishni qila olmaymiz. Ammo bu bugungi kungacha terror tashkilotlarining odatiy harakatlaridan biri. Muammo Turkiya va Iroq o'rtasidagi ijobiy o'zgarishlarni buzishdir",-dedi Erdo'g'an.

Prezident Erdo'g'an shuningdek, kelasi oy Konyada bo'lib o'tadigan Islom birdamlik o'yinlarida Iroqning ishtirok etmasligi haqida bayonot berilganini eslatib,

"Afsus... Iroq bunday qadam tashlamasligi kerak”,-dedi.