Mavlud Chavusho’g’li BMTning gumanitar ishlar bo’yicha vakili bilan uchrashdi

Turkiya Tashqi ishlar vaziri Mavlud Chavusho’g’li Birlashgan Millatlar Tashkilotining Gumanitar ishlar bo’yicha Bosh kotib o’rinbosari Martin Griffiths bilan uchrashdi.

Uchrashuvda Ukrainadagi gumanitar vaziyat va Turkiya bilan BMT o’rtasidagi Suriya bo’yicha hamkorlik muhokama qilindi.

Chavusho’g’li Twitter’dagi sahifasida BMT Bosh kotibining gumanitar masalalar bo’yicha o’rinbosari Griffiths bilan Anqarada uchrashganligini ma'lum qildi.

Chavusho’g’li Griffiths bilan Ukrainadagi gumanitar vaziyatni va Turkiya bilan BMT o’rtasidagi Suriya bo’yicha hamkorlikni muhokama qilganligini bildirdi.