Turkiya Idlibdagi kuzatuv punktlariga qo’shimcha harbiy texnika joylashtirmoqda

Turkiya qurolli kuchlari Suriyaning Idlib viloyatidagi tarang vaziyat sababli u yerdagi kuzatuv punktlariga qo’shimcha harbiy texnika joylashtirmoqda.

Maxsus harbiylar joylashgan 150 ta yuk mashinasi hamda harbiy texnikalar va o‘q-dorilarni tashuvchi mashinalardan iborat kolonna Hatay viloyatining Rayhonli tumanidagi Turkiya-Suriya chegarasiga yetib bordi.  U yerdan esa Suriyaga yo‘l oladi.

Turkiya avvalroq, Idlibdagi kuzatuv punktlarini tark etmasligi va ularni mustahkamlashi haqida ma'lum qilgandi.