Turkiya rasmiylari mamlakatda favqulodda holat e’lon qilingani bo’yicha mulohaza bildirdi
Binali Yildirim: “Bu qaror oddiy xalqning kundalik hayotini cheklash maqsadida emas, balki davlat tartibini tezkor ravishda qaytatdan shakllantirish maqsadida olindi"
![Turkiya rasmiylari mamlakatda favqulodda holat e’lon qilingani bo’yicha mulohaza bildirdi](http://cdn.trt.net.tr/images/xlarge/rectangle/f58d/93c2/9d37/579048cac5b4f.jpg?time=1718806278)
Turkiya Bosh vaziri Binali Yildirim mamlakat bo’ylab favqulodda holat e’lon qilingani bo’yicha mulohaza bildirdi.
Binali Yildirim: “Bu qaror oddiy xalqning kundalik hayotini cheklash maqsadida emas, balki davlat tartibini tezkor ravishda qaytatdan shakllantirish maqsadida olindi. Maydonlarga to’planib, isyonni bostirgan xalqimiz davlatimizning eng katta tayanchidir”,-dedi.
Favqulodda holat e’lon qilingani haqida mulohaza bildirgan Bosh vazir o’rinbosari va hukumat kotibi Numan Kurtulmush: “Parallel tashkilotga qarshi kurash uchun hukumat qonun hukmidagi qarornomadan foydalanishi mumkin”,-dedi.
Mamlakat bo’ylab olingan favqulodda holat qarori faqatgina parallel tashkilotga qarshi kurashga taalluqli ekanini tilga olgan Numan Kurtulmush: “Majlis har doimgidek o’z faoliyatini davom ettiradi”,-dedi.
Ichki ishlar vaziri Efkan Ala: “Favqulodda holat xalqimizning hayotiga hech qanday salbiy ta’sir ko’rsatmaydi. Bundan hech kim xavotir olmasin”,-dedi.
Tashqi ishlar vaziri Mevlud Chavushog’lu: “Butun dunyoda zarur holatlarda Favqulodda holat e’lon qilinadi, bu oddiy hol. Turkiyada ham xavfsizlik va demokratiya uchun bunday qaror olindi”,-dedi.
Aloqador xabarlar
![Erdo‘g‘an bilan Pashinyan o‘zaro gaplashib oldilar](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718806279)
Erdo‘g‘an bilan Pashinyan o‘zaro gaplashib oldilar
Prezident Erdo‘g‘an bilan Nikol Pashinyan, telefon orqali muloqot qildi.