Isroil armiyasi Suriyaga qarshi hujum uyushtirdi

Rossiya Mudofaa vazirligining qayd etishicha Isroil tomonidan Suriyaga qarshi kechqurun uyushtirilgan hujum oqibatida Suriya askarlaridan 4 kishi jon bergan, 6 askar esa tan jarohati olgan.

Rossiya mudofaa vazirligining Milliy mudofaa boshqaruv markazi Isroilning Suriyaga qarshi uyushtirgan hujumlari haqida bayonot berdi.

Mazkur bayonotga ko’ra Isroil Harbiy-havo kuchlari qo’mondonligi mahalliy vaqt bilan soat 02:11 dan 02:56 gacha Suriyaning g’arbi, janubiy-g’arbi va janubidagi hududlarga qarshi uchta hujum uyushtirgan. Oqibatida esa Suriya askarlaridan 4 kishi jon bergan bo’lib, 6 askar tan jarohati olgan. Damashq xalqaro aeroportining ba’zi qismlari ziyon ko’rgan.

Bayonotga ko’ra shuningdek Suriya armiyasiga oid havo mudofaa tizimlari, Isroil Harbiy-havo kuchlari qo’mondonligi tomonidan otilgan 30 dan ortiq boshqariladigan raketa va bombani ham havoda yo’q qilgan.

Isroil armiyasi Suriya tuproqlarida Eron Inqilobi qo'riqchilariga qarashli Feylul al-Quds maxsus kuchiga oid nuqtalarga qarshi havo hujumi uyushtirganligini ma’lum qilgan edi.