каховка тосмиси һуҗумға учрап 14 миңдин артуқ өй су астида қалди

түркийә авази радйоси хәвири: украинаниң херсон районида русийәниң контроллуқидики каховка тосмиси сәйшәнбә күни һуҗумға учриғандин кейин, тарқақлаштуруш вә зийанни ениқлаш хизмәтлири давамлашмақта.

украина һөкүмити 600 кивадрат километир (чоңлуқи 84 миң путбол мәйданиға тәң келидиған) районниң су астида қалғанлиқини елан қилди.

райондики русийә тәрәпдари һөкүмәт тосминиң өрүлүп чүшүши нәтиҗисидә, бәш кишиниң җенидин айрилғанлиқини елан қилди.

украина райондики аһалиләрни мина хәвпигә қарши агаһландурди.

агаһландурушта, су басқан райондики миналарниң су йүзигә өрлигән болуши мумкинлики билдүрүлди.

су басқандин кейин, районда партлиған миналарниң көрүнүшлири иҗтимаий таратқуларда һәмбәһирләнди.

русийә вә украина һәр иккиси райондин тарқақлаштуруш хизмәтлирини елип бармақта.

украина армийәси херсонда өйидә қапселип қалған бир аилигә учқу билән су йәткүзүп бәргән дәқиқиләрниң көрүнүшлирини һәмбәһрлиди.

су бесип кетиш нәтиҗисидә миңлиған һайванлар һалак болуп, каховка тосмисидики белиқлар қирғаққа чиқип қалди.

русийә билән украина бир-бирини каховка тосмисини һуҗум нишани қилиш билән әйиблимәктә.