تۈركىيەدە ئىشسىزلىق نىسبىتى تۆۋەنلىدى
تۈركىيەدىكى ئىشسىزلىق نىسبىتى ئاۋغۇستتا ئالدىنقى ئايغا سېلىشتۇرغاندا 0.4 پوئىنت تۆۋەنلەپ، %9.6 چۈشتى.
1890678
![تۈركىيەدە ئىشسىزلىق نىسبىتى تۆۋەنلىدى](http://cdn.trt.net.tr/images/xlarge/rectangle/dcae/e486/e463/6343cc7535cf3.jpg?time=1718584473)
تۈركىيە ئاۋازى رادىيوسى خەۋىرى: تۈركىيە ئىستاتىستىكا ئىدارىسى (TUIK) ئاۋغۇستتىكى ئەمگەك كۈچى ئىستاتىستىكىسىنى ئېلان قىلدى.
بۇنىڭغا ئاساسلانغاندا، ئاۋغۇستتا تۈركىيە مىقياسىدا 15 ياش ۋە ئۇنىڭدىن يۇقىرى ياشتىكى ئىشسىزلارنىڭ سانى ئالدىنقى ئايغا سېلىشتۇرغاندا 100 مىڭ كىشى ئازىيىپ، 3 مىليون 312 مىڭ كىشىگە تۆۋەنلىگەن. ئىشسىزلىق نىسبىتى 0.4 پوئىنت تۆۋەنلەش بىلەن %9.6 گە چۈشكەن.
ئىشسىزلىق نىسبىتى ئالدىنقى يىلىنىڭ ئوخشاش ئېيىغا سېلىشتۇرغاندا 2.2 پوئىنت تۆۋەنلەپ، 2014 - يىلى مارت ئېيىدىن بۇيانقى ئەڭ تۆۋەن سەۋىيىگە چۈشكەن.
2014-يىلى مارت ئېيىدا ئىشسىزلىق نىسبىتى %9.5 دەپ خاتىرىلەنگەن ئىدى.