«17-феврал дунйа мүшүкләр күни»дә, ван мүшүки зийарәтчиләрниң қизиқишини қозғиди
характери вә җисманий алаһидилики билән алдинқи орунға чиққан дунйаға даңлиқ ван мүшүки «17-феврал дунйа мүшүкләр күни»дә зийарәтчиләрниң қизиқишини қозғиди.
түркийә авази радийоси хәвири: мүшүкләрниң қейинчилиқлириға диққәтләрни тартиш вә тонуш пәйда қилиш үчүн өткүзүливатқан «17-феврал дунйа мүшүкләр күни»дә, ван 100 – йил университети ван мүшүки тәтқиқат мәркизидики ван мүшүклири йәрлик вә чәт әллик сайаһәтчиләрниң зор қизиқишини қозғиди.
сезимчанлиқи, достанәлиқи, йипәктәк йумран ақ қиллири, ширдәк меңиши вә пәрқлиқ көз рәңги билән ван шәһириниң әң муһим күлтүр байлиқлириниң бири болған ван мүшүклири, һәмминиң сөйгисигә еришип кәлмәктә.
ван мүшүклирини көрүш үчүн университет қорусидики «мүшүк дачиси» ға кәлгән сайаһәтчиләр мүшүкләрни сөйүп, улар билән рәсимгә чүшти.
истанбулда 2019-йили өткүзүлгән «хәлқаралиқ хушал мүшүкләр мусабиқиси»ға мәркәздин қатнашқан ван мүшүки, дунйа чемпийони болуп талланған иди.
