ghezzali we bilim yolida izdinishi
quran we sünnetning ilmiy we meniwi dunyasida yashighan, bu dunyani özining menggü öchmes ish izliri we tirishchanliqliri bilen béyitqan ghezzali heqiqetke, bilimge we hékmetke özini atighan bibaha göher idi.
türkiye awazi radiyosi xewiri: bilim bilen melumatni bir – birige arilashturuwétish we alimliqning uqumini untush shunche asanliship ketken bir zamanda, asasliq atalghularni toghra chüshinishimiz, öz jayida ishlitishimiz intayin muhim. zamaniwi dunyadiki heqiqiy bilimge érishish yolidiki izdinishimizde murajiet qilishimizgha tégishlik eng muhim menbe ataqliq ölimalardin biri bolghan ghezzalidur.
ghezzalining zamandashliri arisida dang chiqirishining sewebi uning izdinishi jeryanida oxshimighan yollarni sinaq qilghan, eneniwi bilim dunyasigha chongqur chöküp, tetqiqat élip barghan, qanunshunasliq, aqayid, pelsepe we métafizikining eng chong mesililiri bilen hésabliship birdeklik hasil qilghan bir mutepekkur bolushidur.
ghezzali aptobiyografiyelik esiri «heqiqetke élip baridighan yol» namliq esiride heqiqet we bilim yolidiki izdinish hékayisi heqqide melumat béridu hemde toghra yoldin adiship qalmasliqi üchün diqqet qilishqa tégishlik yoshurun tuzaqlargha chüshüp qalmasliqi toghruluq heqiqet, bilim we hékmet yolida izdengüchilerni agahlanduridu.
quran we sünnetning ilmiy we meniwi dunyasida yashighan, bu dunyani özining menggü öchmes ish izliri we tirishchanliqliri bilen béyitqan hem alimlar qoshunini köpeytken ghezzali heqiqetke, bilimge we hékmetke özini atighan bibaha göher idi. bilimning oxshimighan sahelirini birleshtürüshtiki talanti peqet uning shexsiy maharitinila emes, bir mutepekkur we alim bolush süpiti bilen bilim dunyasida piship yétilgen ilmiy we meniwi sharaitningmu ispatidur. derweqe u, bilimge hemme eng ehmiyet béridighan, kishiler alimlarni béshida kötüridighan sharaitta piship yétilgen. shek – shübhisizki, bu quran kerimning bilimge qanchilik ehmiyet béridighanliqining eng roshen namayendisidur.
quran kerimde bilim ibarisi 750 tin artuq yerde ishlitilidu. bilim wehiyge, peyghemberlerning qissilirige, insan atalghulirigha yaki tebiiy hayatqa intayin köngül bölidu. qandaqla bolmisun, bilim melumattin tashqiri téximu keng we asasliq bir delilni neqil keltüridu. bilim eqil – parasetlik kishilerning uqumini yéshishigha tégishlik bolghan bir alamet (delil) gha xizmet qilidu, u peqet biz kishining ichide yashawatqan dunyaning uqumini kéngeytishnila emes, shu kishige exlaqy mesuliyetnimu yükleydu hemde meniwi tuyghu ata qilidu.
heqiqiy bilim kishini ishench we hékmet babida kamaletke yetküzidu. chünki bilimning hemmisi axirida esli menbesining sirini yéship béridighan achquchtur.
