kobaxidzé bir yawropa ittipaqi komitéti ezasining tehdit salghanliqini bildürdi
giruziye bash ministiri irakli kobaxidzé nam-sheripini ashkarilimighan yawropa ittipaqi komitétining bir ezasining özige qoralliq hujumgha uchrighan silowéniye bash ministiri robért fiko weqesi bilen tehdit sélinghanliqini bildürdi.
kiye awazi radiyosi xewiri: giruziye bash ministiri irakli kobaxidzé ijtimaiy taratqu adrésida yazma bayanat élan qilip, parlamént qobul qilghan we öktchiler we bezi gherb döletliri rusiyening qollishi astida chiqirilghanliqini ilgiri sürgen «chet el tesirining ochuq-ashkara bolushi» qanunigha munasiwetlik tereqqiyatlar üstide toxtaldi.
u qanungha naraziliq bildürgen bezi siyasetchilerni giruziye xelqige we hökümitige tehdit sélish bilen eyiblep: «xelq qanungha munasiwetlik tereqqiyatlarni, yuqiri derijilik bezi siyasetchilerning xelqqe we saylanghan hökümetke ochuq-ashkara tehdit sélishtin yanmighanliqini közetmekte» dédi.
u yawropa ittipaqi komitétining bir ezasi bilen téléfonda körüshkende, özige tehdit sélinghanliqini ilgiri sürüp mundaq dédi:
«yawropa ittipaqi komitétining biz ezasi bilen téléfonda körüshkinimde sélinghan tehdit, kishini chöchütidu. komitét ezasi qanun qobul qilinghandin kéyin yolgha qoyulidighan bir qatar tedbirlerni otturigha qoydi we bu jeryanda <silowéniye bash ministiri robért fikogha néme bolghanliqini kördingiz, shunga intayin diqqet qilishingiz kérek> dédi.»
u sözini dawamlashturup: «fikogha qilinghan hujumning arqisida, uning partiyesi bilen yéqin munasiwiti bar döletlerdin birining istixbarat orginining izi tépilghanliqini tekitlep ötüshni xalaymen» dédi.
u axirida, döliti we özige tehdit salghanlarning pilanlirining muweppeqiyetke érishelmeydighanliqigha ishinidighanliqini eskertip, tinchliq hemde siyasiy muqimliqni dawamlashturidighanliqlirini qeyt qildi.
silowéniye bash ministiri robért fiko ötken hepte ministirlar kéngishi yighinidin kéyin qoralliq hujumgha uchrap, jénidin ayrilghan idi.
