norwégiye rusiye puqralirigha qarita wiza belgilimilirini chingitti
norwégiye hökümiti rusiyening ukrainagha qarshi dawamlashturuwatqan ishghalchi urushi sewebidin, rusiye puqralirining norwégiyege kélishini cheklesh tedbirlirini téximu chingitishni qarar qildi.
türkiye awazi radiyosi xewiri: norwégiye edliye ministiri émili éngér mél (Emilie Enger Mehl) yazma bayanat élan qilip, «ukrainagha qarshi dawamlashturuwatqan qanunsiz urush sewebi» tüpeylidin, rusiye puqralirining norwégiyege wiza élish resmiyetlirini chéngitish qarari chiqarghanliqlirini bildürdi.
qarar boyiche, norwrgiyege sayahet qilish kelmekchi bolghanlar yaki muhim sewebliri bolmighanlarning tamozhnidin kirishige ruxset qilinmaydu. yéqin uruq-tughqanliri norwégiyede yashawatqan, norwégiyede yaki shengenge eza döletlerde oquwatqan rusiyelik oqughuchilar buning sirtida bolidu.
norwégiye rusiye bilen chégra éghizi hésablinidighan storskog (Storskog) baziridin kelgen rusiyeliklerning axbarat toplishidin endishe qilmaqta idi.
norwégiye dairiliri rusiyening ukraina mudapiesini ajizlitish üchün yawropa döletliride qalaymiqanchiliq peyda qilishining, moskwagha paydiliq ikenlikini bildürgen idi.
norwégiye istixbarati (PST) mu ukraina üchün qoral-yaragh yasawatqan norwégiye shirketlirige qarshi qalaymiqanchiliq peyda qilish tehditining küchiyiwatqanliqini doklat qilghan idi.
norwégiye 2007-yili rusiye bilen imzalighan wiza kélishimini ukraina urushi sewebidin 2022-yili 22-séntebir tonglitip qoydi.
nato ezasi bolghan norwégiyening shimaliy qutubta rusiye bilen uzunluqi 198 kilométir kélidighan chégrasi bar.
