sholz: putin xatalashqanliqini bilmeywatidu

türkiye awazi radiyosi xewiri: gérmaniye bash ministiri olaf sholz «iqtisadshunas» zhurnilida maqale élan qilip, rusiye pirézidénti wladimir putinning ukrainagha qilghan hujumining, xelqara tertipning asasiy pirinsiplirigha (chégrani zorluq bilen özgertmeslik, barliq döletlerning igilik hoquqigha hörmet qilish, qoshnisigha tehdit salmasliq) buzghunchiliq qilghanliqini éytti.

bash ministir sholzning qeyt qiliishiche, putin « rusiye impériyesi» ni tirildürüp, ukraina we bélarusiyeni «qorchaq dölet» ke aylandurmaqchiken.

u maqaliside mundaq deydu:

«bu rehimsiz impériye jahangirlik qizghinliqning qeyerde we qachan axirlishidighanliqini putindin bashqa héchkim bilmeydu. biraq, rusiye rehbirining pilani netijige érishelmeydu. chünki yawropa ittipaqining ezaliri ukrainaning eng chong pul-muamile we iqtisadiy ittipaqdishi hésablinidu. gérmaniye bügüngiche herbiy yardem üchün öz aldigha 28 milyard yawro ajratti. gérmaniye bu jehette peqet amérikadinla kéyin turidu.»

u buningdin bashqa yene, putinning démokratik küchlerni ukrainani uzun yillarghiche qolliyalmaydu, dep qaraydighanliqini bildürüp, mundaq deydu:

«köpchilik putinning xataliqini ispatlash üchün ukrainani keng kölemde qollashni kapaletke ige qilip, buni özlirining öyidin bashlishi kérek. bu ukrainagha yardem bérishning özimizning bixeterlikige meblegh sélish ikenlikini qayta-qayta chüshendürüsh arqiliq emelge ashidu.

u maqaliside, shimaliy atlantik ehdi teshkilati-natoning rusiye bilen ziddiyetleshmigenlikini we toqunushta bir terepke biwasite yanbasmighanliqini eskertti.

u axirida, gérmaniyening ukrainani qollaydighanliqini we dölet armiyesi (gérmaniye fédératsiye jumhuriyiti qoralliq küchliri) ni yawropadiki eng küchlük armiye qilip qurup chiqishni nishan qilghanliqini tekitlidi.