makron yéngi xelqaraliq tertip berpa qilishning zörüriyitini otturigha qoydi
firansiye pirézidénti émmanuél makron dunya tertipining «kemchil we adaletsiz» ikenlikini bildürüp, yéngi bir tertip berpa qilishqa chaqirdi.
2190477
türkiye awazi radiyosi xewiri: firansiye pirézidénti émmanuél makron paytext parizhdiki katolik jamaiti — sant égidiyoning «tinchliq üchün uchrishish» namliq paaliyitining échilish murasimigha qatniship söz qildi.
pirézidént makron sözide rusiye bilen bolghan munasiwetler, yawropa ittipaqining teshkillinishi we xelqaraliq sistéma heqqide toxtaldi.
u rusiye-ukraina urushidin kéyin «firansiyening rusiye bilen bolghan munasiwetlirini qayta közdin kechürüshi we yéngi bir yawropa teshkilatlinishini oylishish kérekliki»ni otturigha qoydi.
jughrapiyelik qurulmisigha qaralghinida «yawropaning pütünley yawropa ittipaqi we qetiy türde shimaliy atlantik ehdi teshkilati — nato emesliki réalliqi»ning nezerge élinishi kéreklikini bildürgen makron, xelqaraliq sistéminimu tenqidlidi.
pirézidént makron nopusi köp bolghan nurghun döletlerning yéterlik derijide wekillik hoquqigha ige emeslikini tilgha élip, xelqaraliq sistémining «kemchil we adaletsiz» ikenlikini, yéngi xelqaraliq tertip berpa qilishning zörüriyitini otturigha qoydi.
u yene «melum bir dölet bashqilargha tosalghu bolalmaydighan, döletler layiqida wekillik qilinidighan we bu birleshken döletler teshkilati, dunya bankisi we xelqara pul fondi qatarliq téximu adil organlar arqiliq emelge ashurulidighan bir tertip»ke éhtiyaj barliqini tekitlidi.
