әнглийәлик айал парламент әзаси өлтүрүлди
әнглийәдики қораллиқ һуҗумда еғир йариланған өктичи ишчи партийәси парламент әзаси җо кокс һайатидин айрилди.
512962
түркийә авази радийоси хәвири: кокс бостәл йоркше сайлам районида учриған һуҗумда 77 йашлиқ бир әр кишиму йеник йариланди.
кокс 23 – ийун күни әнглийәниң йавропа иттипақидин чиқип кетип кәтмәслики тоғрулуқ өткүзүлидиған сайлам риқабитигә тәййарлиқ хизмити ишләватқанда һуҗумға учриғаниди.
вәқәдин кейин әнглийәдики барлиқ сайлам риқабәтлири тоңлитип қойулди.
шаһитларниң билдүрүшичә, зораван «алди билән әнглийә» дәп варқириған.
игилинишичә, «алди билән әнглийә» дөләттики көчмәнләр вә мусапирларға қарши сөз – һәрикәтлири билән күнтәртипкә кәлгән ашқун оңчил бир гуруппиниң исми болуп, бу гуруппа әнглийәниң йавропа иттипақидин чиқип кетиши үчүн сәпәрвәрлик паалийәтлирини елип бармақта икән.
