македонийәдә чүшүп кәткән германийә айропилани тепилди
түркийә авази радийоси хәвири: македонийәниң пайтәхти үскүпкә йеқин җайда туйуқсиз сигнали үзүлүп қалған германийә айропиланиниң чүшүп кәткән йери муәййәләшти.
македонийә ички ишлар министирлиқидин елан қилинған байанатта, ахшам вақтиға йеқин йоқулуп кәткән германийә сода айропиланиниң үскүпкә қарашлиқ катланова наһийәсидин 6 келометир узақлиқтики күҗлә йезиси әтрапиға чүшүп кәткәнлики билдүрүлди.
айропиланниң ичидики киишләрниң саламәтлики һәққидә мәлумат берилмиди. вәқә йүз бәргән җайға сәһийә әтрити вә аманлиқни сақлаш хадимлири әвәтилгәнлики қәйт қилинди.
ички ишлар министирлиқи байанатчиси деҗана неделкович айропиланда 4 нәпәр италийә пуқраси вә 2 нәпәр косова пуқраси болуп җәмий 6 кишиниң барлиқини ейтти.
неделкович бу кишиләрниң косованиң пайтәхти пиристингә бериш үчүн италийәниң тиревисо шәһиридин учқанлиқини әскәртти. тиревисо шәһиридин учқан сода айропиланиниң ахшам вақтиға йеқин үскүптики бүйүк искәндәр айродорумиға 10 келометир қалған җайда радардин йоқулуп кәткәнлики билдүрүлгән иди. арқидинла елип берилған тәкшүрүшләрдә айропиланниң чүшүп кәткәнлики ениқланди.
