хақан фидан рийадта бир қатар дипломатик учришишларни өткүзди
түркийә ташқи ишлар министири хақан фидан пәләстин баш министири вә ташқи ишлар министири муһәммәд мустафа билән телефонда көрүшти.
түркийә авази радийоси хәвири: дипломатик мәнбәләрдин игәлләнгән мәлуматларға асасланғанда, ғәззә йиғинлириға қатнишиш үчүн сәуди әрәбистан пайтәхти рийадқа йетип барған ташқи ишлар министири хақан фидан, пәләстин баш министири вә ташқи ишлар министири муһәммәд мустафа билән телефонда көрүшкән.
көрүшүштә, ғәззә вә ийордан дәрйасиниң ғәрбий қирғиқиниң нөвәттики вәзийити, пәләстин дөлитини техиму көп дөләтләрниң етирап қилишға ериштүрүш тиришчанлиқлири музакирә қилинған.
хақан фидан рийадта буниңдин башқа, ийорданийә ташқи ишлар вәзири әймән әссафәди билән йүзтуранә көрүшүп, ғәззәдики қәтлиамларниң тохтитилиши үчүн исираилийәгә қаритилған бесимларни күчәйтидиған вә техиму көп дөләтләрниң пәләстин дөлитини етирап қилишини қолға кәлтүрүш тиришчанлиқлирини музакирә қилған.
у норвегийә ташқи ишлар министири еспен барс ейде биләнму көрүшүп, нато рамкисида икки дөләт оттурисидики һәмкарлиқ мәсилилирини вә исираилийәгә қаритилған бесимларни күчәйтиш мәсилилирини музакирә қилған.
