инсанпәрвәрлик йардәм парахоти мәрсиндин йолға чиқти

түркийә авази радийоси хәвири: 7-өктәбир (2023) дин буйан исираилийәниң бомбардимани астида туруватқан ғәззәдики пәләстин хәлқигә йәткүзүш мәқситидә топланған йемәк-ичмәк малзимилири, бовақ малзимилири, уйқу тулуми қатарлиқлардин тәркип тапқан 3 миң 774 тонна йардәм бесилған парахот, мурасим билән йолға селинди.

парахот 40 саәтлик сәпәрдин кейин, ғәззәгә әң йеқин җай болған мисирниң әлариш портиға йетип бариду. арқидин йардәмләр йүк аптомобиллири билән рәфаһ чегра еғизиға йәткүзүлиду. чеграда мунасивәтлик рәсмийәтләр беҗирилгәндин кейин, пәләстин қизилай җәмийитигә тапшуруп берилиду.

түркийә ғәззәгә исираилийәниң һуҗумлири башланғандин бери 13 айропилан вә сәккиз парахотта җәмий 39 миң 697 тонна инсанпәрвәрлик йардими йәткүзди.