ибраһим калин һәсән туран вә әршат салиһи билән көрүшти

түркийә авази радийоси хәвири: истихбарат идариси башлиқи ибраһим калин ирақниң әрбил шәһиригә берип, ирақ күрдистан (кордистан) демократик партийәсиниң рәиси мәсут барзани вә ирақ күрт (корд) районлуқ һөкүмитиниң баш министири мәсрур барзани билән көрүшти.

учришишиларда райондики өзгиришләр, икки тәрәплик мунасивәтләр вә бөлгүнчи террорлуқ тәшкилати п к к ға қарши үнүмлүк күрәш қилиш музакирә қилинди, сөһбәттә түркийәниң террорлуққа қарши күрәштики қәтий ирадиси ениқ тәкитләнди.

ибраһим калин алдинқи һәптидики ирақ зийарити җәрйанидиму ирақ пирезиденти абдуллатиф рәшид, ирақ баш министири муһәммәд шийа әссуданидин башқа, шиә вә сүнний гурупипиларниң вәкиллири һәмдә түркмән вәкилләр билән көрүшкән иди.