تۈركىيە مىللىي ئىستىخبارات ئىدارىسى تېررورچى گۈنەشنى قولغا چۈشۈرۈپ تۈركىيەگە ئېلىپ كەلدى

تۈركىيە ئاۋازى رادىيوسى خەۋىرى: بۆلگۈنچى تېررورلۇق تەشكىلاتى پ ك ك / ك ج ك نىڭ 60 بىخەتەرلىك خادىمىنىڭ شېھىت بولۇشىنى كەلتۈرۈپ چىقارغان تېررورلۇق ۋەقەلىرىدە ئاكتىپ رول ئوينىغان ئەزاسى تېررورچى رامىزان گۈنەش، ئىراقنىڭ سۇلايمانىيە شەھىرىدە قولغا چۈشۈرۈلۈپ تۈركىيەگە ئېلىپ كېلىندى.

سورەش دېگەن يالغان ئىسم بىلەن تونۇلغان رامىزان گۈنەش 2011 – يىلىدىن 2017 – يىلىغىچە پ ك ك / ك ج ك نىڭ ھاككارى / چۇقۇرجادا سادىر قىلغان 12 تېررورلۇق ھۇجۇمىغا بىۋاسىتە قاتنىشىپ، 57 ئەسكەر، بىر ساقچى ۋە ئىككى كەنت ساقچىسى بولۇپ جەمئىي 60 بىخەتەرلىك خادىمىنىڭ شېھىت بولۇشىدا ئاكتىپ رول ئوينىغان.

رامازان گۈنەشنى قولغا چۈشۈرۈلىدىغان تىزىملىكىگە كىرگۈزگەن مىللىي ئىستىخبارات ئىدارىسى، ئۇنىڭ بۆلگۈنچى تېررورلۇق تەشكىلاتى تەرىپىدىن بىخەتەر رايون دەپ قارىلىدىغان ئىراقنىڭ سۇلايمانىيە شەھىرىگە يوشۇرۇنۇۋالغانلىقىنى ئېنىقلاپ، تەخمىنەن بىر يىل ئىز قوغلاپ تەكشۈرگەندىن كېيىن، زەربە بېرىش ھەرىكىتى ئېلىپ باردى.

تېررورچى گۈنەش مىللىي ئىستىخبارات ئىدارىسىنىڭ يوشۇرۇنۇش ۋە شەكىل ئۆزگەرتىش مۇتەخەسسىسلىرىدىن تەشكىل تاپقان ئەترەتنىڭ زەربە بېرىش ھەرىكىتىدە قولغا چۈشۈرۈلۈپ تۈركىيەگە ئېلىپ كېلىندى.