چاۋۇشئوغلۇ: ئۆچمەنلىك ۋە زوراۋانلىقنى بىرلىكتە تىرىشچانلىق كۆرستىش ئارقىلىق يېڭىمىز
دۆلىتىمىز (تۈركىيە جۇمھۇرىيىتى) تاشقى ئىشلار مىنىستىرى مەۋلۈت چاۋۇشئوغلۇ، بىرلىكتە تىرىشچانلىق كۆرىستىش ئارقىلىق ئۆچمەنلىك ۋە زوراۋانلىق پاتقىقىدىن ھالقىپ ئۆتىدىغانلىقلىرىنى ئېيتتى.
تۈركىيە ئاۋازى رادىيوسى خەۋىرى: مىنىستىر چاۋۇشئوغلۇ ئۆزىنىڭ ئىجتىمائىي ئالاقە سۇپىسىدىكى ئادرېسىدا، ماراكەشنىڭ ماراكەش شەھىرىدە ئۆتكۈزۈلگەن بىرلەشكەن دۆلەتلەر تەشكىلاتى (ب د ت) مەدەنىيەتلەر ئىتتىپاقىنىڭ 9-نۆۋەتلىك يەرشارى مۇنبىرى ھەققىدە بايانات ئېلان قىلىپ، «بىز 2005-يىلى ئىسپانىيە بىلەن بىرلىكتە باشلىغان، نۆۋەتتىكى ئەزا سانى 158 گە يەتكەن مەدەنىيەتلەر ئىتتىپاقىنىڭ ماراكەش شەھىرىدىكى يىغىنغا قاتناشتۇق. بىز بىرلىكتە تىرىشچانلىق كۆرىستىش ئارقىلىق ئۆچمەنلىك ۋە زوراۋانلىق پاتقىقىدىن ھالقىپ ئۆتىمىز» دېدى.
بۈگۈنمۇ داۋاملىشىدىغان يىغىندا، بىرلىكتە چىقىشىپ ياشاشنىڭ زۆرۈرلۈكى ھەمدە كۆپ خىللىق ۋە مەدەنىيەت بايلىقىنى ئىلگىرى سۈرۈش مەسىلىسى مۇزاكىرە قىلىنىدۇ.
تۇنجى قېتىم بىر ئافرىقا دۆلىتىنىڭ ساھىبخانلىقىدا تۈنۈگۈن ئەتىگەن باشلانغان ب د ت مەدەنىيەت ئىتتىپاقىنىڭ 9-نۆۋەتلىك دۇنيا مۇنبىرىغا 50 دىن ئارتۇق دۆلەتنىڭ ھەر دەرىجىلىك مىنىستىرلىرى، 96 دۆلەتتىن كەلگەن ۋەكىللەر بىلەن دۇنيانىڭ ھەرقايسى جايلىرىدىكى ئوخشىمىغان مەدەنىيەتلەرنى چۈشىنىش ۋە ئۇلارغا ھۆرمەت قىلىش ئۈچۈن ئىشلەۋاتقان 1000 دىن ئارتۇق پائالىيەتچى ئىشتىراك قىلماقتا.
مۇناسىۋەتلىك خەۋەرلەر
ئەردوغان پاشىنيان بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەرمېنىيە باش مىنىستىرى نىكول پاشىنيان بىلەن تېلېفونلاشتى.
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.