ататүркниң аләмдин өткәнликиниң 84 – йиллиқ хатирә күни мунасивити билән мурасим өткүзүлди
түркийә җумһурийитиниң қурғучиси ғази мустапа камал ататүркниң аләмдин өткәнликиниң 84 – йиллиқ хатирә күни мунасивити билән, униң мәқбәрәси җайлашқан ататүрк хатирә сарийида, җумһур рәис рәҗәп таййип әрдоғанниң иштирак қилишида рәсмий өткүзүлди.
1904523
әрдоған, ататүркниң мәқбәрисигә ақ – қизил гүлләрдин тәшкил тапқан гүлчәмбирәк қойди. ататүрк буниңдин 84 йил илгири аләмдин өткән саәт болған 9 дин 5 миниут өткәндә һөрмәттә турулди, арқидин «истиқлал марши» оқулди.
җумһур рәис әрдоған, ататүрк хатирә сарийиниң мәхсус дәптиригә мундақ дәп йазди: «һөрмәтлик ататүрк! миллитимизниң йүз йиллиқ улуғвар ғайилирини әмәлгә ашурғанға қәдәр қәтий ирадә билән алға бесип, бир изда тохтап қалмаймиз, һуҗумлар алдида йиқилмаймиз, күришимизни қәтий ирадә билән кәскин давамлаштуримиз.»
ататүрк, түркийәниң һәрқайси җайлиридиму һөрмәт билән хатириләнди. саәт 9 дин 5 минут өткәндә, түркийә хәлқи дөләтниң һәрқайси җайлирида бир минуутлуқ һөрмәттә турди.
