قالىن پاكىستان دۆلەت بىخەتەرلىك ئىشلىرى مەسلىھەتچىسى بىلەن تېلېفونلاشتى

تۈركىيە ئاۋازى رادىيوسى خەۋىرى: تېلېفون سۆھبىتىدە، ئىككى دۆلەت مۇناسىۋەتلىرى، ئۇكرائىنا كىرىزىسى، ئافغانىستاننىڭ نۆۋەتتىكى ۋەزىيىتى ۋە رايونلۇق مەسىلىلەر ھەققىدە مۇزاكىرە ئېلىپ بېرىلدى.

ئىككى رەھبەرنىڭ تېلېفون سۆھبىتى ھەققىدە ئېلان قىلىنغان باياناتتا، مۇنداق دېيىلدى: «جۇمھۇر رەئىسلىك مەھكىمىسى باياناتچىسى ئىبراھىم قالىن بىلەن دوست ۋە قېرىنداش دۆلەت پاكىستان دۆلەت بىخەتەرلىك ئىشلىرى مەسلىھەتچىسى موئىد يۈسۈفنىڭ، تۈركىيە – پاكىستان مۇناسىۋەتلىرى توغرۇلۇق مۇزاكىرە ئېلىپ بېرىلغان تېلېفون سۆھبىتىدە، ئىككى دۆلەت ئوتتۇرىسىدىكى ئىقتىسادىي، سىياسىي ۋە ھەربىي قاتارلىق ساھەلەردىكى كۈچلۈك ھەمكارلىقنىڭ ئىزچىل داۋاملىشىدىغانلىقى قەيت قىلىندى.»