تۈركىيە سېررالېئون خەلقى ۋە ھۆكۈمىتىگە تەزىيە بىلدۈردى

تۈركىيە ئاۋازى رادىيوسى خەۋىرى: تاشقى ئىشلار مىنىستىرلىقىنىڭ يازما باياناتىدا، فرىتوۋندا تۈنۈگۈن كەچتە ماي ​​قاچىلانغان ئاپتوموبىلنىڭ سوقۇلىشى بىلەن يۈز بەرگەن پارتلاش نەتىجىسىدە نۇرغۇن كىشىنىڭ ھاياتىدىن ئايرىلغانلىقى ۋە يارىلانغانلىقىدىن ناھايىتى قايغۇرۇش ئىچىدە خەۋەر تاپقانلىقى بىلدۈرۈلدى.  

باياناتتا: «سېررالېئون خەلقى ۋە ھۆكۈمىتىگە شۇنداقلا ھاياتىدىن ئايرىلغانلارنىڭ ئائىلە-تاۋابىئاتلىرى ۋە يرقىنلىرىغا تەزىيە بىلدۈرىمىز.  يارىلانغانلارنىڭ تېزرەك ئەسلىگە كېلىشىنى تىلەيمىز» دېيىلدى.

فرىتوۋننىڭ شەرقىدىكى ۋېللىنگتون رايونىدا ماي باكى پارتىلاپ 92 كىشى قازا قىلغان ئىدى.