әрән зәрбә бериш һәрикити арқилиқ йәттә террорчи бир тәрәп қилинди

түркийә авази радийоси хәвири: түркийә хәвпсизлик күчлири, бир тәрәптин бөлгүнчи террорлуқ тәшкилати п к к ниң ирақниң шималидики увилирини битчит қилишни нишан қилған пәнчә һәрбий һәрикәтлирини давамлаштуруватқан болса, йәнә бир тәрәптин террорлуқ тәшкилатиниң дөләт ичидики әзалириға арқа – арқидин зәрбә бәрмәктә.

(түркийә җумһурийити) ички ишлар министири сүләйман сойлу твиттердики адресида, террорчиларға зәрбә бериш һәрикәтлири тоғрисидики учурларни ортақлашти.

у учурида, әрән зәрбә бериш һәрикити даирисидә ширнақниң җуди теғи тушимийа районида бәш؛ дийарбакирниң кулп наһийәси йайлақ тағлиқ районида икки болуп, йәнә йәттә террорчиниң бир тәрәп қилинғанлиқини уқтурди.