چاۋۇشئوغلۇ تۈرك كېڭىشىنىڭ باشلىقى بىلەن كۆرۈشتى

تۈركىيە ئاۋازى رادىيوسى خەۋىرى: چاۋۇشئوغلۇ، ئاممىۋى ئورتاقلىشىش تور بېتى Twitter سەھىپىسىدە ئېلان قىلغان باياناتىدا، تۈرك كېڭىشىنىڭ باشلىقى باغداد ئامرېيېۋ ۋە ياردەمچىسى ئۆمەر كوجامان بىلەن كۆرۈشكەنلىكىنى، ئۇچرىشىشىنىڭ «سەمىىمىي مۇھىت ئاستىدا ئۆتكەنلىكى» نى تەكىتلەپ مۇنداق دېدى: «ئۇچرىشىشىمىزدا، <تۈرك دۇنياسىنىڭ 2040 – يىللىق ئىستىراتېگىيەلىك نىشانى> ۋە <تۈرك كېڭىشىنىڭ 2020 – 2025 – يىللىق ئىستىراتېگىيەسى> ھەققىدە مۇزاكىرە ئېلىپ باردۇق. تۈرك كېڭىشىنىڭ كېلەر قېتىملىق باشلىقلار يىغىنىغا بىز ساھىبخانىلىق قىلىمىز. جۈملىدىن، تۈرك كېڭىشىنى قوللاشنى ئىزچىل دۋاملاشتۇرىمىز.»

باش مەركىزى ئىستانبۇلغا جايلاشقان ۋە 2019 – يىلى ئەزەربەيجان، قازاقىستان، قىرغىزىستان ۋە تۈركىيە تەرىپىدىن ئىمزالانغان «نەخچىۋان كېلىشىمى» ئارقىلىق قۇرۇلغان تۈرك كېڭىشى، تۈركىي تىلدا سۆزلىشىدىغان دۆلەتلەر ئوتتۇرىسىدا مائارىپتىن سودىغىچە كۆپلىگەن ساھەلەردە ھەمكارلىقنى يەنىمۇ يۈكسەك سەۋىيەگە يەتكۈزۈشنى نىشان قىلىدۇ.