ئافرىندىكى تۈركىيە تەرىپىدىن سېلىنغان سۆيگۈ دوختۇرخانىسى خىزمەتكە كىرىشتۈرۈلدى

تۈركىيە ئاۋازى رادىيوسى خەۋىرى: ئافرىنلىقلارنىڭ دەردىگە دەرمان بولۇشى كۈتۈلۈۋاتقان سۆيگۈ دوختۇرخانىسىدا ئۈچ ئاياللار كېسەللىكلىرى دوختۇرى، ئۈچ بالىلار دوختۇرى ۋە ئىككى جىددىي قۇتقۇزۇش بۆلۈمى دوختۇرى خىزمەت قىلىدۇ. دوختۇرخانىدا ئىككى ئوپېراتسىيەخانا، 17 كارىۋات، شۇنداقلا يېڭى تۇغۇلغان بوۋاقلاردا كۆپ كۆرۈلىدىغان سېرىقلىق چۈشۈشنى داۋالاش ئۈچۈن سەككىز دانە ئىنكۇباتور بار.

سۆيگۈ دوختۇرخانىسى، تۈركىيە سەھىيە مىنىستىرلىقىنىڭ پىلانلاپ ئىجرا قىلىشى، قاتار تەرەققىيات فوندى قارمىقىدىكى قاتار خەير – ساخاۋەت ئىشلىرى ئورگىنىنىڭ قوللىشى نەتىجىسىدە روياپقا چىقتى.

تۈركىيە ئارمىيەسى يېقىندىن قوللاپ – قۇۋۋەتلىگەن سۈرىيە مىللىي ئارمىيەسى باشلىغان زەيتۇن شېخى ھەربىي ھەرىكىتى دائىرىسىدە ئافرىن ناھىيە مەركىزى 2018 – يىلى 18  مارتتا بۆلگۈنچى تېررورلۇق تەشكىلاتى پ ك ك / ي پ گ دىن ئازاد قىلىنغانىدى.