بۈگۈن مىنىستىرلار كېڭىشى يىغىنى چاقىرىلىدۇ
بۈگۈن جۇمھۇر رەئىسلىك سارىيى مىنىستىرلار كېڭىشى يىغىنى چاقىرىلىدۇ.
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغاننىڭ رىياسەتچىلىكىدە چاقىرىلىدىغان يىغىندا، «ۋۇخەن ۋىرۇسى» غا قارشى ۋاكسىنا ۋە دورا تەتقىق قىلىپ ئىشلەپچىقىرىش پائالىيەتلىرىنىڭ نۆۋەتتىكى تەرەققىياتى، «ۋۇخەن ۋىرۇسى» غا قارشى كۈرەشتە قوشۇمچە تەدبىرلەرنىڭ يولغا قويۇلۇپ قويۇلماسلىقى قاتارلىق مەسىلىلەر ھەققىدە مۇزاكىرە ئېلىپ بېرىلىدۇ.
قارادېڭىزدا بايقالغان يېڭى تەبىئىي گاز زاپىسىنىڭ تۈركىيەنىڭ ئىقتىسادىي ئەھۋالىغا قارىتا ئىجابىي تەسىرلىرى، دۆلەت ئىچى – سىرتىدا داۋاملاشتۇرۇلۇۋاتقان تېررورىزمغا قارشى كۈرەش توغرىلىقمۇ مۇزاكىرە ئېلىپ بېرىلىدىغان يىغىننىڭ كۈنتەرتىپ ماددىلىرىدىن بىرىنى، ئەرسىن تاتارنىڭ جۇمھۇر رەئىسلىككە سايلىنىشى بىلەن شىمالىي قىبرىس تۈرك جۇمھۇرىيىتىدە باشلانغان يېڭى باسقۇچ، سايلاملاردىن كېيىنكى ئىككى دۆلەت مۇناسىۋەتلىرىنى ئۆز ئىچىگە ئالغان قىبرىس مەسىلىسى ۋە شەرقىي ئاقدېڭىزدىكى ئۆزگىرىشلەر تەشكىل قىلىدۇ.
يىغىندا يەنە، ئەزەربەيجان ئارمىيەسىنىڭ ئەرمېنىيەگە قارشى كۈرىشىگىمۇ قاراپ چىقىلىدۇ.
مۇناسىۋەتلىك خەۋەرلەر
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.
ئىراقنىڭ شىمالىدا 3 تېررورچى بىر تەرەپ قىلىندى
ئىراقنىڭ شىمالىدا بۆلگۈنچى تېررورلۇق تەشكىلاتى پ ك ك ئەزاسى 3 تېررورچى بىر تەرەپ قىلىندى.