تۈركىيە ئارمىيەسى تېررورلۇق تەشكىلاتىنىڭ نۇرغۇن قورال ۋە ئوق - دورىلىرىنى قولغا چۈشۈردى
ئىراقنىڭ شىمالىدىكى تېررورچىلارنىڭ ئۇۋىلىرىنى بىتچىت قىلىش مەقسىتىدە باشلانغان يولۋاس پەنچىسى ناملىق زەربە بېرىش ھەرىكىتى جەريانىدا بۆلگۈنچى تېررورلۇق تەشكىلاتى پ ك ك غا تەۋە نۇرغۇن قورال ۋە ئوق – دورا قولغا چۈشۈرۈلدى.
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى بايانات بېرىپ، زەربە بېرىش ھەرىكىتىنىڭ غەلىبىلىك داۋاملىشىۋاتقانلىقىنى بىلدۈردى ۋە «قەھرىمان كوماندىر جەڭچىلىرىمىز بىر ئامبارنى بايقاپ، تېررورلۇق تەشكىلاتى پ ك ك غا تەۋە نۇرغۇن قورال ۋە ئوق – دورىنى قولغا چۈشۈردى. قولغا چۈشۈرۈلگەن قوراللار يەرلىك ئۇسۇلدا ياسالغان پارتلاتقۇچلارنى ئېنىقلاش ۋە يوقىتىپ تاشلاش ئاپپاراتى ئارقىلىق يوقىتىپ تاشلاندى. ئىزدەش – چارلاش خىزمەتلىرى نەتىجىسىدە 63 دانە ئاك-47 تىپلىق ئاپتومات، بىر دانە مەرگەن مىلتىقى، 2 دانە ئوۋ مىلتىقى، 50 دانە گىراناتامىيۇت، 1000 پاي دوچكا ئايروپىلان ئاتار ئوقى، 300 دانە ئاك-47 تىپلىق ئاپتومات ئوقدېنى، 50 دانە قول بومبىسى، 25 كىلوگرام دىنامىت قاتارلىقلار قولغا چۈشۈرۈلدى» دېگەنلەرنى قەيت قىلدى.
مۇناسىۋەتلىك خەۋەرلەر
ئەردوغان پاشىنيان بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەرمېنىيە باش مىنىستىرى نىكول پاشىنيان بىلەن تېلېفونلاشتى.
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.