تۈركىيەدە ۋىرۇس بىلەن يۇقۇملانغۇچىلارنىڭ سانى ئۈزلۈكسىز تۆۋەنلىمەكتە

تۈركىيە ئاۋازى رادىيوسى خەۋىرى: يېقىنقى 24 سائەت ئىچىدە ۋۇخەن ۋىرۇسى سەۋەبىدىن قازا قىلغانلارنىڭ سانى  23 كىشى ئېشىپ، جەمئىي 4 مىڭ 692 كىشىگە يەتتى.  

بۇ جەرياندا  35 مىڭ 335 كىشىنىڭ سالامەتلىكى تەكشۈرۈلدى ۋە 914 كىشىدە ۋىرۇس بايقالدى.

مۇشۇ 24 سائەت ئىچىدە ساقىيىپ دوختۇرخانىدىن چىققان 2647 كىشى بىلەن قوشۇلۇپ، ساقايغانلارنىڭ ئومۇمىي سانى 137 مىڭ 696 كىشىگە يەتتى.