تۈركىيە سومالىدا مەيدانغا كەلگەن تېررورلۇق ھۇجۇمىنى ئەيىبلىدى

تۈركىيە ئاۋازى رادىيوسى خەۋىرى: تۈركىيە سومالىنىڭ جەنۇبىدىكى كىسمايۇ شەھىرىدىكى بىر مېھمانخانىغا قىلىنغان تېررورلۇق ھۇجۇمىنى ئەيىبلەپ بايانات ئېلان قىلدى.

تۈركىيە تاشقى ئىشلار مىنىستىرلىقى تەرىپىدىن بۇ ھەقتە ئېلان قىلىنغان باياناتتا مۇنداق دېيىلدى: «سومالىنىڭ كىسمايۇ شەھىرىدە بىر بومبا قاچىلانغان ئاپتوموبىل بىلەن ئېلىپ بېرىلىپ نۇرغۇن ئادەمنىڭ ئۆلۈمىگە سەۋەب بولغان تېررورلۇق ھۇجۇمىنى قاتتىق ئەيىبلەيمىز. ھۇجۇمدا ئۆلۈپ كەتكەنلەرگە ئاللاھتىن رەھمەت، يارىلانغانلارغا شىپا، دوست ۋە قېرىنداش سومالى ھۆكۈمىتى ۋە سومالى خەلقىگە چوڭقۇر تەزىيە بىلدۈرىمىز.»

سومالىنىڭ جەنۇبىغا جايلاشقان كىسمايۇ شەھىرىدە تۈنۈگۈن بىر مېھمانخانىغا قىلىنغان ھۇجۇمدا 26 كىشى ئۆلۈپ 56 كىشى يارىلانغانىدى.