تۈركىيە ياۋروپا ئەدلىيە مەھكىمىسىگە نارازىلىق بىلدۈردى
تۈركىيە بۆلگۈنچى تېررورلۇق تەشكىلاتى پ ك ك لىق تېررورچىلار مەسىلىسىدە ياۋروپا ئەدلىيە مەھكىمىسىگە نارازىلىق بىلدۈردى.
تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى باياناتچىسى ھامى ئاقسوي، ياۋروپا ئەدلىيە مەھكىمىسىنىڭ بۆلگۈنچى تېررورلۇق تەشكىلاتى پ ك ك ھەققىدە چىقارغان قارارى توغرۇلۇق ئېلان قىلغان باياناتىدا، پ ك ك نىڭ بۆلگۈنچى تېررورلۇق تەشكىلاتى ئىكەنلىكىنى، شۇڭا خەلقئارا جەمئىيەت تەرىپىدىنمۇ داۋاملىق تېررورلۇق تەشكىلاتىغا ئۇيغۇن مۇئامىلە كۆرىدىغانلىقىنى ئەسكەرتىش بىلەن بىر ۋاقىتتا، پ ك ك نىڭ تېررورلۇق تەشكىلاتى سۈپىتىنى يوشۇرۇش ئۇرۇنۇشلىرىنىڭ ھېچنېمىگە ئەسقاتمايدىغانلىقىنى تەكىتلەپ مۇنداق دېدى: «پ ك ك بۆلگۈنچى تېررورلۇق تەشكىلاتىدۇر، شۇڭا خەلقئارا جەمئىيەت تەرىپىدىنمۇ داۋاملىق تېررورلۇق تەشكىلاتىغا ئۇيغۇن مۇئامىلە كۆرىدۇ.»
ياۋروپا ئەدلىيە مەھكىمىسى بۆلگۈنچى تېررورلۇق تەشكىلاتى پ ك ك نىڭ ياۋروپا ئىتتىپاقىنىڭ تېررورلۇق تەشكىلاتلىرى تىزىملىكىدە قېلىشىنى قارارلاشتۇرغانىدى.
بۆلگۈنچى تېررورلۇق تەشكىلاتى پ ك ك نىڭ ياۋروپا ئىتتىپاقى كېڭىشىگە قارشى سۇنغان ئەرزى ھەققىدە ھۆكۈم چىقارغان ياۋروپا ئەدلىيە مەھكىمىسىنىڭ تۆۋەن قانىتى، پ ك ك نىڭ 2014 – يىلدىن 2017 – يىلغىچە بولغان ئارىلىقتا تېررورلۇق تەشكىلاتلىرى تىزىملىكىدە تۇتۇلۇشىدا پىرىنسىپ خاتالىقى بارلىقىغا، بىراق يېڭى قارارغا ئاساسەن، پ ك ك نىڭ ياۋروپا ئىتتىپاقى كېڭىشىنىڭ تېررورلۇق تەشكىلاتلىرى تىزىملىكىدە تۇۇتلۇشى لازىملىقىغا ھۆكۈم قىلغانىدى.
مۇناسىۋەتلىك خەۋەرلەر
ئەردوغان پاشىنيان بىلەن تېلېفونلاشتى
جۇمھۇر رەئىس رەجەپ تاييىپ ئەردوغان ئەرمېنىيە باش مىنىستىرى نىكول پاشىنيان بىلەن تېلېفونلاشتى.
تۈركىيە ئەزەربەيجاننىڭ كېلەچىكى ئۈچۈن ھەمنەپەس بولماقتا
تۈركىيە دوست ۋە قېرىنداش دۆلەت ئەزەربەيجاننىڭمۇ كېلەچىكى ئۈچۈن ھەمنەپەس بولماقتا.