تۈركىيە ئىسىرائىلىيەنى ئەيىبلىدى

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى ئىسىرائىلىيە ھۆكۈمىتىنىڭ پەلەستىن پايتەختى شەرقىي قۇددۇستا يەھۇدىي كۆچمەنلەر ئۈچۈن يېڭى تۇرالغۇ رايونى بەرپا قىلىش قارارىنى ئەيىبلەيدىغانلىقىنى بىلدۈرۈپ، بايانات ئېلان قىلدى. باياناتتا، ئىسىرائىلىيەنىڭ ئىشغال ئاستىدىكى پەلەستىن پايتەختى شەرقىي قۇددۇسنىڭ جەنۇبىدا، يەھۇدىي كۆچمەنلەر ئۈچۈن كۆپ قىسمى پەلەستىنلىكلەرنىڭ مۈلكى بولغان جايدا 3 مىڭ ئۆي سېلىشنى تەستىقلىغانلىقى ئەسكەرتىلدى.

 بۇ قارارنىڭ ئەيىبلىنىدىغانلىقى ئەسكەرتىلگەن باياناتتا، ئىسىرائىلىيەنىڭ خەلقئارالىق قانۇن ۋە ب د ت مۇناسىۋەتلىك قارارلىرىنى كۆزگە ئىلمىغان ھەرىكەتلىرىنىڭ رەت قىلىنىدىغانلىقى تەكىتلەندى.

باياناتتا مۇنداق دېيىلدى:

«ئىسىرائىلىيە پەلەستىن زېمىنلىرىدا تۇرالغۇ رايونى بەرپا قىلىش ئارقىلىق ئىشغالىيەتنى ئۇزۇن مۇددەتلىك مۇستەملىكىچىلىككە ئۆزگەرتمەكتە ۋە تىنچلىق مۇساپىسىنىڭ ئاساسىنى يوقاتماقتا.»