ئەردوغان پۇتىن بىلەن تېلېفوندا كۆرۈشتى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان رۇسىيە پىرېزىدېنتى ۋىلادىمىر پۇتىن بىلەن ئۆتكۈزگەن تېلېفون سۆھبىتىدە، ب د ت ئومۇمىي كېڭىشىدە ئۆتكۈزۈلگەن ئامېرىكا قوشما ئىشتاتلىرى پىرېزىدېنتى دونالد ترامپنىڭ قۇددۇسنى ئىسرائىلىيەنىڭ پايتەختى، دەپ ئېتىراپ قىلىش قارارىنىڭ ئىناۋەتسىز قىلىنىشىنى مەزمۇن قىلغان قۇددۇس لايىھەسىنى قوللىغانلىقى ئۈچۈن رەھمەت ئېيتتى.

قۇددۇس مەسىلىسى ئالدىنقى پىلاندىن ئورۇن ئالغان تېلېفون سۆھبىتىدە، رايونغا ئالاقىدار مەسىلىلەر، ئىككى دۆلەت مۇناسىۋەتلىرى ۋە ئېنېرگىيە كېلىشىملىرى قاتارلىقلار توغرىسىدا پىكىر ئالماشتۇرۇلدى.