تۈركىيە، رۇسىيە ۋە ئىران تاشقى ئىشلار مىنىستىرلىرى ئۇچراشتى

تۈركىيە ئاۋازى رادىيوسى خەۋىرى: تۈركىيە تاشقى ئىشلا مىنىستىرى مەۋلۈت چاۋۇشئوغلۇ رۇسىيەنىڭ سوچى شەھىرىدە 22 – نويابىردا ئۆتكۈزۈلىدىغان سۈرىيە مەسلىسىگە دائىر 3 تەرەپ يۇقىرى دەرىجىلىك رەھبەرلەر يىغىنى دائىرىسىدە، رۇسىيەلىك ۋە ئىرانلىق مەنسەپداشلىرى بىلەن ئانتاليادا بىر يەرگە جەم بولدى.

مەۋلۈت چاۋۇشئوغلۇ  رۇسىيەلىك مەنسەپدىشى سېرگېي لاۋروۋ ۋە ئىرانلىق مەنسەپدىشى جەۋاد زەرىف بىلەن سۈرىيەنىڭ نۆۋەتتىكى ۋەزىيىتىنى مۇزاكىرىلەشتى.

سوچى شەھىرىدە ئۆتكۈزۈلىدىغان سۈرىيە مەسلىسىگە دائىر يۇقىرى دەرىجىلىك رەھبەرلەر يىغىنىنىڭ تەييارلىق مۇزاكىرىلىرى ئۈچۈن ئانتاليادا كۈرۈشكەن 3 دۆلەت تاشقى ئىشلار مىنىستىرلىرى يىغىنغا يول خەرىتىسى تۈزۈپ چىقماقچى.