تۈركىيە تېررورچىلارغا زەربە بېرىشنى داۋاملاشتۇرماقتا
دىيارباكىردا خەۋپسىزلىك كۈچلىرى بىلەن بۆلگۈنچى تېررورلۇق تەشكىلاتى پ ك ك تېررورچىلىرى ئارىسىدا چىققان توقۇنۇشتا 3 تېررورچى بىر تەرەپ قىلىندى.
![تۈركىيە تېررورچىلارغا زەربە بېرىشنى داۋاملاشتۇرماقتا](http://cdn.trt.net.tr/images/xlarge/rectangle/6012/1ee0/8b1f/5a0e8112c42c5.jpg?time=1718879292)
تۈركىيە ئاۋازى رادىيوسى خەۋىرى: دىيارباكىر ۋالىيلىق مەھكىمىسى بايانات بېرىپ، ھازرو ناھىيەسىدە يول تەكشۈرۈش ۋە ئاختۇرۇش نۇقتىسىدا تېررورچىلار بىلەن خەۋپسىزلىك كۈچلىرى ئارىسىدا توقۇنۇش يۈز بېرىپ، 3 – ئۆكتەبىردە بىر ئەسكەر شېھىت بولغان ۋەقەگە قاتناشقان تېررورچى تانىش مەمىشنى ئۆز ئىچىگە ئالغان 3 تېررورچى بىر تەرەپ قىلىندى، ئۇلار بىلەن تىل بېرىكتۈرگەن بىر كىشى قولغا چۈشۈرۈلدى.
تېررورچىلار بىلەن بىرلىكتە كالاشنىكوف ماركىلىق ئىككى ئاپتومات، 8 ئوقدان، 240 پاي ئوق، تاپانچا ۋە قول بومبىسى قولغا چۈشۈرۈلدى.
يەنە بىر تەرەپتىن، تۈركىيە ئارمىيەسىنىڭ ئىراقنىڭ شىمالىدىكى ھاكۇرك، ئاۋاشىن – باسيان ۋە زاپ رايونلىرىدىكى بۆلگۈنچى تېررورلۇق تەشكىلاتى پ ك ك لاگېرلىرىغا قارىتا ئېلىپ بارغان ھاۋادىن زەربە بېرىش ھەرىكىتىدە تەشكىلاتنىڭ پاناھلىنىش ئورۇنلىرى، ئۆڭكۈرلىرى، ئىستىھكاملىرى ۋە ئوق – دورا ئىسكىلاتلىرى يوقىتىپ تاشلاندى.
ھاۋا ھەرىكىتىگە ئىشتىراك قىلغان ئايروپىلانلار بازىلىرىغا ساق – سالامەت قايتىپ كەلدى.